Albana Osmani ka publikuar së fundmi librin e saj të parë “Çika në betejë me inteligjencën artificiiale”. Moderatorja ishte e ftuar ditën e sotme në emisionin “Ftesë në 5”, për të treguar më shumë detaje rreth këtij projekti madhështor dhe jetës së saj private. Ajo tregoi se “çika” e librit nuk është vetë ajo, sepse i dedikohet gjithë të rinjve.
Osmani tregohet gjithmonë shumë e rezervuar për sa i përket pjesës private, por sot tha se ka bërë plane mbi jetën e saj dhe gjatë kësaj kohe që ka punuar.
“Kam menduar për planet e jetës. Kur je i dashuruar, mendoj se nuk ke kohë ta ndash me gjithkënd, kështu që unë e besoj dashurinë e vërtetë, jam person që sakrifikoj për të dhe do ta besoj gjithmonë kështu”, u shpreh moderatorja.
Gjithashtu ajo tregoi se nëse do të bëhet nënë së shpejti emrin për fëmijën e saj të parë e ka gati. “Aleksandër”, u përgjigj Albana kur u pyet se si do ja vendoste emrin fëmijës nëse do të ishte djalë.
Ndër të tjera ajo tregoi se ka pak miq që i beson realisht dhe që e di se ja duan të mirën e gëzohen për çdo sukses të saj. Albana tha se nga showbizi dhe televizioni nuk ka miq, sepse e ka konsideruar si një vorbull që përthith vlerat njerëzore, duke qenë se beteja për të qenë secili i pari është shumë e fortë.
