Ministria e Shëndetësisë dhe Mbrojtjes Sociale dha alarmin sot për rrezikun e virusit edhe në mosha të reja!
Në njoftimin e përditshëm për të prekurit në 24 orët e fundit, Dr. Flutura Beqo u shpreh se situata në spitalin Infektiv paraqitet serioze, me pacientë që trajtohen në terapi intensive por edhe pacientë të intubuar, një pjesë e tyre mosha të reja.
Aktualisht janë të shtruar 81 pacientë në spital, 11 pacientë janë në terapi intensive në gjendje serioze dhe 5 prej tyre janë të intubuar në gjendje të rënde.
Sot, dy pacientë humbën betejën me sëmundjen në spitalin Infektiv.
Një 81 vjeçar nga Shkodra dhe një 63 vjeçar nga Elbasani, të shtruar prej disa ditësh në spitalin infektiv në gjendje të rënduar, nuk kanë mundur të mbijetojnë, megjithë përpjekjet e stafit mjekësor.
Ndërkohë, gjatë 24 orëve të fundit janë kryer 420 testime për të dyshuar të prekur me COVID-19, nga të cilat janë konfirmuar 90 raste pozitive.
/Iconstyle.al
