Tani që po afron vera duhet të bëjmë kujdes ku e blejmë akulloren.
Një 35-vjeçar është arrestuar sot, pasi shiste akullore jashtë kushteve higjieno- sanitare në Tiranë.
Në pranga ka rënë shtetasi L. H. si dhe është hetuar në gjendje të lirë dhe bashkëpunëtori i tij. Ata prodhonin akullore në ambiente jashtë standardeve dhe më pas i shisnin ato, duke u bërë një rrezik serioz për qytetarët dhe veçanërisht fëmijët.
Policia ka sekuestruar:
Lëndë e parë për prodhimin e akullores
Dy makineri për prodhimin e akullores
Ngjyrues boje
Një sasi e konsiderueshme qumësht pluhur
35-vjeçari akuzohet për veprat penale: “Prodhimi i kundërligjshëm i artikujve dhe mallrave industrial dhe ushqimorë”, “Fshehja e të ardhurave” dhe “Mospagimi i taksave dhe tatimeve”.
