Nëse je fitues i Lotarisë Amerikane, së pari, URIME! Ia dole!
Së dyti, nëse vërtet dëshiron të shkosh në Shtetet e Bashkuara të Amerikës, atëherë duhet të mësosh njoftimet e rëndësishme që nxjerr Ambasada për të gjithë procesin që të pret tani.
Bëhet fjalë për hapin e radhës, ku do të caktohet intervista.
Të gjithë ju që keni fituar duhet t’i përgjigjeni menjëherë KCC-së (Kentucky Consular Center) për të caktuar më pas një datë interviste.
“DV2020?Ju duhet t’i përgjigjeni menjëherë KCC-së. Në të kundërt, KCC nuk do të mundet t’ju caktojë një datë interviste. #PyetAnen“, shkruan Ambasada.
Qendra konsullore e Kentaki-t (KCC) është përgjegjëse për përpunimin e vizave për lotarinë. Ju duhet të keni akses në email-in tuaj, pasi KCC do t’ju kërkojë t’i dërgoni me email kopje të dokumenteve tuaja.
