Nëse doni të dini sesi duket Hirushja e kohëve moderne, ja ku e keni. Ylli i Bollivudit, Aishwarya Rai veshi fustanin më të bukur në tapetin e kuq të Festivalit të Filmit në Kanë.
Fustani i kaltër nga Michael Cinco, e bënte aktoren të dukej si Hirushja në premierën e filmit, Okja.
Fustani në ngjyrë të kaltër të akullt nxirrte zbuluar shpatullat, dhe ishte i gjithi i mbuluar me rruaza dhe gjethe të argjendta të qëndisura.
43-vjeçarja Rai, i kishte lëshuar flokët e saj të drejtë dhe aksesori i vetëm që kishte zgjedhur ishin disa unaza argjendi, duke lënë veshjen të flasë.
Fustani ishte aq i madh saqë, duheshin 4 vetë për ta mbajtur ndërkohë që Rai ngjiste shkallët.
