Frances McDormand mbylli një sezon me çmime dhe falënderime, ndërsa pranoi nderimin më të rëndësishëm të “Oscar”, si “Aktorja më e mirë”.
60-vjeçarja kërkoi më shumë fonde për filmat e realizuara nga femrat në “Hollywood”, ndërsa i kërkoi të gjitha grave të nominuara në të gjitha kategoritë, që të ngrehshin në këmbë për t’u solidarizuar në Teatrin Dolby.
“Nëse mund të jem e nderuar, që të gjithë kandidatet femra të nominuara në çdo kategori, të qëndrojnë me mua në këmbë në këtë sallë sonte. Meryl, nëse e bën ti, do ta bëjnë të gjithë të tjerat. Shikoni përreth zonja dhe zotërinj, sepse ne të gjitha kemi një histori për të treguar dhe projekte që na duhen financuar. Mos na flisni për këtë nëpër festa, na ftoni në zyrën tuaj ose mund të vini tek ne, cilado që ju përshtatet më mirë, dhe ne do t’ju tregojmë gjithçka për to”, tha McDormand.
Ajo luan rolin e protagonistes te filmi “Three Billboards Outside Ebbing, Missouri”, të një nëne që është në kërkim të vrasësit dhe përdhunuesit të vajzës së saj.
Burimi: Daily Mail
