Imazhet e fushatës së fundit të Jennifer Lawrence për “Dior” sapo u publikuan online dhe nuk është aspak surprizuese: Ato janë mahnitëse.
Në pozat e saj të fundit për shtëpinë e modës, 26-vjeçarja sërish e bën të vështirë të vendosim nëse duhet të shohim te imazhi i famshëm apo çantat elegante që ajo mban.
Fituesja e “Oscar”-it mban çantat e markave Diorever dhe Diorama para dhe në qendër, ndërsa ofron një shikim hipnotizues para kamerës.
Reklama e re për vjeshtë 2016 u realizua nga fotografi Patrick Demarchelier në Nju-Jork dhe do të prezantohet në mënyrë zyrtare në revistën e Dior sot.
Sipas WWD, Jennifer tha se realizimi i fotografive për markën janë “të thjeshta dhe relaksuese”. Në të kaluarën ajo gjithashtu ka pozuar për fotografin Mario Sorrenti, David Sims dhe Paolo Roversi. Ajo dukshëm është fanse e çantave, për të cilat është fatlume të modelojë, duke i cilësuar “chic, me stil dhe të këndshme”.
Jennifer firmosi fillimisht si ambasadore e shtëpisë së modës në 2012-n dhe që prej asaj kohe ka pozuar për çantat dhe makijazhin e markës.
*Shfleto galerinë
Burimi: Daily Mail
