Të dielën, Nënë Tereza u kthye në shenjtore të kishës katolike vetëm 19 vjet nga vdekja e saj. Urdhrin Misionaret e Bamirësisë, murgesha e kthyer në zërin e të pashpresëve e themeloi në vitin 1950 me vetëm 12 motra. Sot numëron 5.161 të tilla në 139 shtete të botës. Trashëgimia e saj është sot më e fuqishme se kurrë.
Fituesja e Nobelit të Paqes shihet si një prej grave më me influencë në historine 2 mijë vjeçare të kishes. Portreti i Nënë Terezës që u përdor gjatë ceremonisë së shenjtërimit të saj në Sheshin Shën Pjetër të dielen u prezantua në Uashington nga artisti Chas Fagan, si i specializuar në portretet dhe skulpturat e presidenteve dhe politikanëve amerikanë. Ju ftojmë të ndiqni momentet më të veçanta të ditës së shenjtërimit të Nënë Terezës.
*Shfleto galerinë
