Aktorja e njohur Bella Thorne sapo ka marrë propozimin për martesë. 25-vjeçarja i tha ‘po’ sipërmarrësit dhe producentit Mark Emms. Çifti u njohën vitin e kaluar në Ibiza në festën e ditëlindjes së Cara Delevigne.
“Ishte dashuri me shikim të parë teksa po lindte dielli”, tha ylli i “American Horror Stories” për Vogue Weddings.
Fituesja e çmimit të “Imagen Fondation” dhe i fejuari i saj pozuan së bashku në një foto të ëmbël duke bërë të ditur lajmin në rrjetet sociale. Bella u sigurua që të përfshijë dukshëm në foto unazën e fejesës me diamant smeraldi 10 karatësh.
Bella zbuloi se po kërkon më shumë se një fustan për ditën e saj të madhe, e duket se do bashkëpunojë me “Schiaparelli” ose “Dior”.
“Çdo nuse nuk ka nevojë për një fustan”, tha ajo duke lënë të kuptohet për ndryshime të shumta të garderobës.
Aktorja e njohur po punon për disa projekte, duke përfshirë edhe filmin e ardhshëm “Saint Clare”. Sipas përshkrimit të filmit, komedia horror fokusohet në një student të qetë kolegji me një ‘vokacion hyjnor për të vrarë’ .
