Aktori i njohur shqiptar Neritan Liçaj i cili u shoqërua nga policia prej orëve të para të mëngjesit, është liruar më në fund nga komisariati.
I tronditur nga pamja e teatrit të prishur tashmë, aktori i cili ka qenë pjesë e reistencës prej 2 vitesh tashmë, u ul këmbëkryq në tokë pa pasur asnjë fuqi për të thënë diçka për gazetarë që i qëndronin te koka.
Edhe pse u prit me duartrokitje nga qytetarët për rezistencën e tij të vendosur, Neritan Liçaj kërkoi ndjesë që s’mund të thoshte asnjë fjalë.
Ai tregoi se nuk ka informacion për kolegët e shoqëruar në polici.
”Jo sot, nuk jam mirë, më ndjeni. Nuk jam mirë. çuna, artistët jo. Nuk e di. Mos ma merrni për keq por nuk mundem. Do kemi raste të flasim, të qetësohem, Ma falni. S’kam fuqi të flas. ”- tha Liçaj.
