Operatori i Report Tv, Mirsal Hajdarmataj është dhunuar në krye të detyrës pasi ishte duke filmuar momentin e arrestimit dhe tërheqjes me dhunë të gazetarit Alfred Lela.
Ai pretendon se njëri nga 3 efektivët që e dhunuan ishte Altin Lilaj shefi i komisariatit nr. 5.
Në momentin që u godit kameramani i Report Tv kishte dokument identifikues dhe po bënte detyrën, madje ka pasur edhe një bisedë me efektvët duke thënë se ishte pjesë e televizionit:
“O shefi të lutem, jam televizion, jam i Report-it, po filmoja më shtyu turma”. Por polici nuk e ka marrë parasysh, “ata shtyjnë, ju shtyni pas atyre” dëgjohet efektivi.
Operatori ka treguar edhe shenjat në qafë dhe shpinë që tregojnë se policia ka ushtruar forcë.
Report Tv e cilëson këtë ngjarje të papranueshme dhe të paprecedentë, ndërsa i bën thirrje ministrit të Brendshëm Sandër Lleshaj të dënojë përgjegjësit.
