Artistët në Kosovë i janë bashkuar nga larg protestës kundër prishjes së Teatrit Kombëtar.
Teatri Kombëtar i Kosovës dhe ata në Gjilan, Gjakovë e Mitrovicë, kanë anuluar shfaqjet e planifikuara sot në shenjë solidariteti me situatën në Tiranë.
Në një njoftim zyrtar, Teatri i Kosovës bën me dije se është kundër vendimit për shembjen e Teatrit në Tiranë, pasi sipas tyre “teatri ka ekzistuar para nesh dhe do të ekzistojë përjetësisht”.
“Në shenjë solidarizimi kundër shembjes së godinës së Teatrit Kombëtar në Tiranë, Teatri Kombëtar i Kosovës, Teatri i Gjilanit, Teatri “Hadi Shehu” – Gjakovë” , Teatri “Bekim Fehmiu” Prizren, Teatri “Adriana” – Ferizaj”, Teatri “Muharrem Qena” – Mitrovicë, Qendra Multimedia”, “Teatri Oda”, Teatri “Urban”, “Etno Teatri – Kukaj”, anulojmë shfaqjen “Skenderbeu ose dashuri dhe liri”, e cila ka qenë e planifikuar në kudër të kalendarit online / livestream.
Teatri ka ekzistuar para nesh dhe do të ekzistojë përjetësisht!
