Aktori i famshëm 77-vjeçar, Christopher Walken, ka habitur së fundmi publikun me deklaratën e tij.
Teksa ishte i ftuar në “The Late Show With Stephen Colbert” për të diskutuar filmin e tij të ri, “Wild Mountain Thyme”, aktori rrëfeu se s’kishte pasur kurrë kompjuter ose telefon.
“Dikush erdhi dhe e vendosi këtë sepse nuk kam një celular ose kompjuter”- tha Walken duke i shokuar të gjithë me deklaratën e tij.
Ai vazhdoi të shpjegonte se nuk i ishin dashur asnjëherë këto mjete teknologjike dhe mendonte që më mirë të mos i kishte fare, sesa një 10-vjeçar të ishte më i mirë tek to, sesa aktori.
Walken shpjegoi gjithashtu se të vetmet raste kur ai merrte një telefon, ishte kur kishte ndonjë rol dhe telefoni i duhej për të komunikuar me njerëzit. Në fakt, që ata ta gjejnë!
Aktori shtoi se ai s’ka dërguar kurrë një mesazh apo një email.
