Nëse ka një çmim për mashkullin më të bukur në botë, ai duhet t’i shkojë Jared Leto-s. Të këtij mendimi ishin fansat që ndoqën mbrëmjen e së mërkurës eventin e ndarjes së çmimeve të “Brit Awards”.
Sipas tyre ai nuk është plakur as edhe një ditë të vetme që nga viti 1994, kur luajti në filmin “My So-Called Life”.
47-vjeçari u ngjit në skenë për të prezantuar një nga çmimet, por e gjithë vëmendje ishte te ai dhe veshja që kishte zgjedhur për të treguar muskujt.
Jared u shfaq me një kostum të blu, ndërsa poshtë xhaketës kishte vendosur që të mos mbante asgjë veç një varëseje dhe e gjithë veshja ishte kombinuar me çizmet e kuqe.
Fansat e aktorit nisën të shkruanin në “Twitter” se ai nuk ishte plakur aspak, ndërsa e cilësuan si mashkullin më seksi.
Dhe disa nga statuset e tyre ishin këto:
“Si ka mundësi që Jared Leto nuk është plakur që nga ditët kur luajti ‘My So Called Life’?”;
“Jared Leto ka harruar këmishën dhe koha ka harruar që ta plakë”;
“Jared Leto është kaq seksi, nuk mund ta përballoj dot”;
“Çmimi për mashkullin më të bukur në botë duhet t’i shkojë Jared Leto-s”.
Burimi: Daily Mail
