Një makinë i mori jetën një 6-vjeçari ditën e sotme në Divjakë.
Ngjarja ka ndodhur në qendër të qytetit rreth orës 17:10, ndërsa raportohet se makina drejtohej nga një femër me inicialet M.M. Policia bën me dije se ka qenë një automjet tip Benz që ka shkaktuar aksidentin e tragjik.
Autorja u shoqërua në Komisariatin e Policisë Lushnje dhe po kryhen veprimet procedurale.
Rasti vjen vetëm pak ditë pasi në Tiranë, një grua që drejtonte një automjet përplasi një vajzë 7-vjeçare dhe një të ri që udhëtonte me biçikletë.
