Periodat duket sikur vijnë pikërisht në momentin më të papërshtatshëm, si p.sh. vetëm një ditë para se të nisesh me pushime apo ke planifikuar një natë romantike me të dashurinë diku larg.
Në momente të tilla si këto, pasi t’i mallkoni, mund të mendoni nëse mund të bëni që periodat të vijnë kur të doni ju. Këtë e kemi seriozisht!
Çfarë do të thotë një cikël tipik menstrual?
Ciklet menstruale zakonisht zgjasin 28 ditë, por çdo gjë ndërmjet 24 dhe 38 ditësh konsiderohet “e rregullt”. Shpesh kemi periudha që janë të çrregullta, por pa u shqetësuar.
Pavarësisht nëse i keni të rregullta ose jo, shpesh doni që t’i afroni periodat, por si?
Gjëja e parë që duhet të bëni është të pyesni veten nëse është kaq e rëndësishme për ju.
Pas një kërkimi të shpejtë në internet do të gjeni një listë të gjatë të metodave, që pretendojnë se nxisin periodat: vitamina C, aspirina, xhenxhefili, shafrani i Indisë, çaji i majdanozit, teknikat e relaksimit, seksi, një kompresë ose banjë e ngrohtë. Nga ana tjetër shkenca ende nuk ka vërtetuar nëse ndonjë prej këtyre metodave do t’ju japë rezultat, përveç mjekut.
“Ka disa ilaçe hormonale që mund të përdoren për të nxitur menstruacionet, por këto duhet të përdoren vetëm nëse ato konsiderohen të nevojshme nga mjeku juaj, në situata shumë specifike. Ato mund të ndikojnë në shëndetin tuaj fizik, duke ju shtuar edhe disa kilogramë”, thotë gjinekologia amerikane, Dalia Davood.
Një gjë e fundit! Teorikisht, në qoftë se ju e lini kontraceptivin e fundit padashje, periodat do të vijnë më shpejt se zakonisht për shkak ndryshimit hormonal.
