Shefi më i famshëm i kuzhinës dhe njëkohësisht një nga personazhet e njohur të televizionit në Britani, Gordon Ramsay, ka njohje me shumë VIP-a, por askush nuk e kishte menduar se ka një miqësi po aq të fortë me Gigi Hadid. Gordon ka zbuluar së fundmi miqësinë sekrete me Gigi-n dhe me shaka është shprehur se ajo është edhe arsyeja pse i flasin fëmijët e tij.
“Vajzat e mia më duan, jo sepse jam një shef i mirë. Më duan, sepse flas me Gigi Hadid. Kjo është arsyeja e vetme pse ato duan të flasin me mua”, ka thënë Ramsay.
Ata të dy janë njohur bashkë gjatë xhirimeve të “MasterChef Celebrity Showdown” në vitin 2016-të dhe kanë mbetur miq që nga ajo kohë.
Gorodon ka treguar se Gigi kërkon gjithë aprovimin e tij për ushqimet që gatuan dhe ka ndarë një histori.
“Gigi më dërgoi këtë pjatën më pasta disa javë më parë dhe më tha ‘Shef, çfarë mendon? Dhe i thashë ‘Vajzë, është shumë e mirë. Në fakt është super e mirë”, ka treguar Ramsay.
Siç duket Gigi Hadid ka nisur të luajë edhe rolin e amvisës në shtëpi, duke qenë se tashmë ka krijuar një familje të vërtetë me Zayn Malik.
