Tolgahan Sayisman feston sot ditëlindjen dhe gjeni pak se sa vjeç mbush? Ju sigurojmë se do e keni të vështirë e madje do habiteni kur të mësoni moshën e tij.
Aktori turk, që është bërë shumë i njohur përmes disa serialeve të suksesshëm, bën sot 39 vjeç. Në këtë ditë speciale ai ka marrë një mesazh tepër të veçantë urimi nga bashkëshortja e tij, Almeda Abazi. Bukuroshja shqiptare ka ndarë në rrjete sociale një nga fotot e tyre më të bukura, në të cilat shihen duke u puthur bashkë teksa lundrojnë në det të hapur me anije.
“Gëzuar ditëlindjen dashuria e jetës sime… jemi me fat që të kemi në jetët tona. Babai më i mirë! Të duam përgjithmonë”, ka shkruar Almeda përkrah fotos.
Dhuratën më të bukur për ditëlindje, Tolgahan e mori disa ditë më parë kur mësoi gjininë e fëmijës së dytë që presin të vijë në jetë. Çifti do të bëhen prindër të një vajze dhe aktori ishte ai që mbeti më i surprizuar kur mësoi këtë lajm të bukur.
Kujtojmë se përveç fëmijës që po presin, ata të dy janë prindër edhe të një djali 1-vjeçar.
