Për të gjithë fansat e këngëtares së dashur për publikun Soni Malaj ka një lajm shumë të mirë: më datën 1 maj, përkatësisht në orën 20:00 ajo do të zhvillojë koncertin e saj të parë recital në Amfiteatrin e Tiranës.
Soni do jetë e shoqëruar nga një tjetër këngëtar i famshëm, Majku, i cili vlen të theksohet se ka një numër të lartë fansash dhe këngët e tij brenda pak ditëve kthehen në hite.
Për të folur për detajet e koncertit, Malaj pasditen e sotme ka qenë e ftuar në emisionin Rudina, prej ku është shprehur ndër të tjera se prej dy ditësh zemra e saj rreh fort nga emocionet.
Këto të fundit janë shtuar dyfish më shumë sot, teksa u surprizua në emision nga mikeshat e saj, anëtaret e ish-grupit “Spirit Voice.”
Soni nuk mbajti dot lotët kur dëgjoi mesazhet e mbushura plot dashuri nga princeshë Elia dhe Dorina Tiko.
“Jam shumë xheloze për njerëzit që do të shohin në skenë më 1 maj, pasi unë nuk do të mundem. Të uroj suksese dhe faleminderit që nuk ke harruar asnjëherë të më marrësh në telefon, dhe ke qëndruar pranë meje në momentet më të vështira. Ma ka marrë shumë malli!”- tha Dorina.
Është një ndjesi tepër e veçantë kur surprizohesh nga mikeshat e zemrës, apo jo? /revistaclass
