Para 15 muajsh Zaimina Vasjari u bë nënë për herë të parë dhe që prej asaj dite një yll i vockël i është shtuar postimeve të saj në llogarinë në Instagram.
Zaimina nuk ngurron që herë pas here të publikojë foto ku shfaqet krah vogëlushes Khloe, shpeshherë të veshura njëlloj.
Së fundmi Vasjari ka postuar një foto në Insta Story të vajzës dhe na bën që të reflektojmë se sa shpejt koha kalon. Siç mund ta shikoni edhe më poshtë, Khloe është rritur dhe realisht është e adhurueshme.
“Zyrtarisht 15-muajshe, jeta ime!”- mbishkruan Zaimina dhe mund ta imagjinojmë lumturinë e saj teksa sheh vajzën të rritet.
