Deputeti Adriatik Alimadhi, së bashku me bashkëshorten, u konfirmua si i infektuar me koronavirus më 24 mars, por më datë 27 e bëri publike këtë gjë, kur u ankua për mungesën e interesimit nga ana e mjekëve, por edhe e qeverisë.
Pas disa ditësh, gjendja e deputetit u përkeqësua dhe ai u dërgua për në spitalin Infektiv, ku qëndroi në kujdesin e mjekëve specialist për 49 ditë.
Sot, pas një muaji e gjysmë ai ka fituar betejën me virusin dhe ka lënë spitalin.
Lajmin e ka bërë të ditur vetë Alimadhi, i cili shkruan në rrjetet sociale se ka arritur të mposhtë Covid-19 dhe sëmundjen në mushkri, e ka mundur që të lërë spitalin në gjendje të mirë shëndetësore.
Ai ka falenderuar mjekët dhe të gjithë stafin shëndetësor, që i shpëtuan jetën dhe ka treguar të gjithë eksperiencën e tij 49 ditore në luftë me sëmundjen.
Ai shkruan se periudha më e vështirë ishte qëndrimi në reanimacion, ku ka qenë i shtruar për 5 ditë, por arriti të dalë në pavion në gjendje të mire shëndetësore.
Më tej, deputeti shkruan se pas 35 ditësh si i prekur nga koronavirusi u ngrit në këmbë dhe dy ditë më vonë ka larë gojën.
Vetëm pas 45 ditësh ka arritur të ecë dhe të ndihej më mirë, teksa shprehet se kafen e parë e ka pirë pas 50 ditësh.
REAGIMI I PLOTË
Sot po e le spitalin pas 49 ditesh. Dashte Zoti nuk e shoh me kurre. Momentet me te veshtira per mua ishin:Kur u mbylla diten e pare ne dhomen e spitalit. Hyrja ne pavion, infermierja, dy bidona uje gjysem litri. 97 here te perdorura gjithe naten. Aspak gjume. Mbi qindra here i shpuar nga gjilperat, sa nuk mbanin me damaret. Kur u perkeqesova ne spitalin infektiv bllokimin e frymemarrjes. Nuk ngopesha edhe me 2 burime oksigjeni. Perdora oksigjenin e vellait tim Fatosit, pra 30 litra oksigjen. Nderhyrja e doktoresh Neviles me kthehu ne jete. Moment tjeter shume i veshtire kuptohet ishte kalimi per ne reanimacion. Te urgjenca e spitalit ‘Shefqet Ndroqi’ erdhi vet drejtori, z. Perlat Kapisyzi, i cili mu prezantua. 5 pese ditet me te veshtira ne reanimacion ne gjendje jo te mire shendetesore. Dita e 8 lash reanimacionin ne nje gjendje me te mire shendetesore. Pas 35 ditesh u çova ne kemb. Pas 37 ditesh lava gojen. Pas 45 ditesh lava trupin dhe fillova te ecja me ngadale dhe trupi po çlirohej nga dita ne dite. 49 dite po dale nga spitali. Kafen e pare pas 50 ditesh e piva ne zyren e Profesor Perlat Kapisyzi drejtor i spitalit Shefqet Ndroqi, nje Burre Babaxhane. Falenderoj te gjithe stafin e doktoreve, reanimatore, infermiere, sanitare dhe te veçanten shefen e reanimacionit Dr. Alma Cani. Punonte ne grup me staf te konsoliduar por dhe shume njerezor. Nje falenderim dhe mirenjohje per doktoreshe Silvana Bala, per keshillat mjekesore dhe ndjekjen nga afer ndaj meje e cila me priti dhe beri daljen time sot ne spitalin Sanatorium ‘Shefqet Nqroqi’.
Respekt dhe mirenjohje per drejtorin e spitalit ‘Shefqet Ndroqi’ Prof. Dr. Perlat Kapisyzi me gjithe stafin e tij. Te perkushtuar dhe profesionalisht te afte. Çdo dite vizita dhe me kartele ne dore tek pacienti. Kjo e bente me te besueshme marredhenien doktor-pacient. Personalisht mendoj se eshte shume e dobishme ne ecurine e sherimit te nje te semuri, e cila ka ndikuar edhe te une! Mirenjohje per bluzat e bardha. Sinqerisht ju falenderoj nga zemra qe me sherbyet me perkushtim dhe me dhate jeten te jetoj. zoti bene me te miren. Ne vazhdim; Do zbatoj keshillat e mjekeve. Per 45 dite do te vazhdoj terapine ne kushtet e shtepise. Disa foto te cilat tregojne se si e kam perballuar virusin vrases, tashme te quajtur COVID-19.
/gazetareforma
