Në dhjetor të vitit 2017, Adelina Tahiri dha lajmin se kishte lidhur kurorë me partnerin e saj, avokatin maqedonas, Serjozha Markov. Këngëtarja e mbajti të fshehtë për një kohë të gjatë identitentin e tij, por nuk vonoi shumë që përmes disa fotosh ajo të tregonte edhe propozimin e fejesës në Vjenë, duke treguar unazën e shtrenjtë.
Mirëpo fansat nuk e pritën mirë martesën e këngëtares. Fillimisht sepse këngëtarja është 25 vite më e vogël dhe e cilësonin skandaloze, që ajo u martua me një person, që ka moshën e të atit. Së dyti, për lidhjet e tij të ngushta me partinë e Nikolla Gruevskit, i cili njihet për bindjet e tij anti-shqiptare.
Mirëpo Adelina vendosi të mos u përgjigjej fansave, duke jetuar e lumtur martesën e saj. Epo deri më tani! E pyetur nga fansat në “Instagram” se përse zgjodhi partner nga Maqedonia dhe jo nga Shqipëri, këngëtarja është përgjigjur:
“S’ishte përzgjedhja ime. Ashtu deshi Zoti. Jam shumë e lumtur. Pa paragjykime” – shkruan këngëtarja, duke i kthyer njëherë e mirë përgjigje të gjithë skeptikëve.
Adelina Tahiri pritet të sjellë në jetë fëmijën e saj të parë në muajin gusht.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
