Ngjarja e 16-vjeçares në Drenas, me të cilën abuzoi mësuesi dhe efektivi i policisë, mund të ketë përlotur shumë prej tyre që e dëgjuan.
Por fotoja kur një efektiv përlotet gjatë protestës para komisariatit policor, ka tërhequr vëmendjen e të gjithëve.
Efektivi, i cili po kujdesej për sigurinë gjatë demonstratës, nisi të qante para protestuesve i prekur nga ngjarja tronditëse.
Ky moment është fotografuar nga mediat vendase, ndërsa vetë protestuesit shprehën mbështetjen për të duke e përqafuar.
Nxënësja në Drenas dëshmoi se, pasi u abuzua seksualisht nga mësuesi përmes shantazhit, shkoi në rajonin policor për të denoncuar rastin. Këtu fati e bëri të takohej me një tjetër dhunues, efektivin e policisë që abuzoi prej 1 viti me 16-vjeçaren.
