Mes debatit të ashpër për shembjen dhe rindërtimin e Teatrit Kombëtar u dha edhe shfaqja u fundit të sezonit “A vdiq ai?”.
Komedia e Mark Twain vjen me regji të Andonis Gjonit, i cili në intervista u shpreh se në këtë komedi çdokush gjen groteskun e shoqërisë, që artistet nuk vlerësohen në të gjallë, por u jepet famë dhe para vetëm pas vdekjes.
Ai tha gjithashtu se kjo komedi është një përkim i rastësishëm edhe me ngjarjet e fundit rreth debatit të Teatrit Kombëtar.
“Është një metaforë që përkon me këto polemikat. Megjithatë kjo është vepra e Mark Twain dhe ne do të mundohemi që ta japim sa më bukur në skenë. Të dielën në darkë mbyllet sipari i Teatrit. Nuk e di nëse do të mbyllet përgjithmonë apo vetëm për këtë sezon”, – thotë Andonisi duke e shoqëruar me një të qeshur këtë deklaratë.
Aktorët pjesëmarrës në këtë shfaqje janë: Gentian Zenelaj, Suela Konjari, Esmeralda Metkaj, Donald Shehu, Sokol Vangjeli, Roland Saro etj.
