Kalo te përmbajtja
ICONSTYLE
Celebrity

A ndihen të kërcënuar pas sherrit dhe tritolit në biznes? Rrëfehet kunati i Noizy-t

Burimi: IconStyle Përgjegjësia editoriale: A B
A ndihen të kërcënuar pas sherrit dhe tritolit në biznes? Rrëfehet kunati i Noizy-t

Një lëndë plasëse u vendos mëngjesin e sotëm në biznesin e reperit të njohur, Noizy ku pati vetëm dëme materiale pas shpërthimit.

“Më datë 08.06.2022, rreth orës 04:24, në lagjen Nr.13, në një ambient (butik rrobash) të marrë me qira nga shtetasi B.R., ka  shpërthyer një sasi lënde eksplozive. Si pasojë ka vetëm dëme materiale. Grupi hetimor nën drejtimin e Prokurorisë vijon hetimet për zbardhjen e ngjarjes, identifikimin e kapjen e autorit/ve”, thuhej më herët në njoftimin e policisë.

Lexo edhe :

Ndërkohë, Noizy në dëshminë e tij para policëve mësohet të ketë thënë se ka probleme vetëm me Cllevio-n, me të cilin bëri sherr para dy ditësh. Kujtojmë që dyshja patën një konflikt, ku madje videoja e sherrit të tyre u bë virale kudo.

Kunati i Noizy-t, Ermir Gjyzeli ka folur për sherrin mes dyshes.

Ndër të tjera ai tha se askush në familjen e Noizy-t nuk ndihet i kërcënuar.

“Jo nuk kemi asnjë shqetësim, të gjithë jemi shumë mirë. Nuk ndihemi të kërcënuar”, tha ai.

Sa i takon sherrit, ai tha se tashmë çdo gjë është në dorën e shtetit.

“Çdo gjë është në dorë të shtetit, do të merren ata me çdo gjë , ne nuk kemi më punë. Noizy është shumë mirë, nuk ndihet aspak i shqetësuar”, theksoi ai për Panorama Plus.

Vazhdo leximin