Të gjithëve na ka ndodhur që të paktën një herë të na i ketë marrë apo t’ia kemi marrë kufjet e telefonit një shokut apo shoqes sonë. Por me sa duket kemi vepruar gabim sepse veshët janë të mbushur me baktere dhe kufjet i transmetojnë ato.
Një studim nga “BuzzFeed” ka treguar se veshët tanë janë të mbushur me dyllë, qeliza të vdekura të lëkurës dhe me baktere. Ato mund të largohen nga veshët me anë të produketeve që janë krijuar posaçërisht për to.
Por duke qenë se dylli është ngjitës atëherë ai ngjitet pas kufjeve së bashku me bakteret dhe mikrobet.
Huazimi i kufjeve të telefonit te dikush tjetër vetëm sa e keqëson situatën, pasi edhe bakteret e personit tjetër përfundojnë në veshët tuaj.
Duke marrë parasysh këtë, rreziku i infeksioneve rritet me një përqindje të madhe, prandaj rekomandohet që kufjet t’i mbani vetëm për vete.
