A jam me personin e duhur? Dhe nëse është si do ta kuptoj? Po nëse jam gabim? Njerëzit i komplikojnë shumë gjërat.
Ka shumë kafshë që lidhin jetën dhe nuk rrinë pa gjumë duke u përpjekur të kuptojnë nëse janë me personin e duhur.
Kjo pasi ato nuk shpenzojnë 10 minuta për të pyetur veten nëse kanë bërë zgjedhjen e duhur apo diçka më e mirë është duke pritur diku tjetër. Ato thjesht e dinë.
Ne flasim me miqtë dhe terapistët me priftërinj dhe ekspertë. Plotësojmë quize online apo rendim korridoreve të librarive dhe biblotekave. Jemi në pritje të shenjave dhe bëjmë pyetje pas pyetjeje.
Por në fakt është shumë më e thjeshtë se kaq dhe e gjitha varet vetëm nga dy pyetje.
- A e dua këtë person?
Jo pyetjen nëse është seksi apo argëtues; jo, a e gëzoj unë këtë person; jo, nëse shkojmë me njëri-tjetrin; jo, nëse është kjo një ide e mirë, por pyetjen a e dua unë me të vëretë këtë person?
A do të jepja për të gjysmën e rrogës sime, kafshatën e fundit, makinën time apo… një veshkë?
Nëse përgjigja është po, atëherë ju jeni tashmë në gjysmën e rrugës. Dashuria e vërtetë është motivim për rritjen, mirëkuptim dhe dhembshuri. Dashuria e vërtetë na bën njerëz më të mirë, të ngrihemi pas çdo vështirësie dhe emocioneve të shpejta.
- A janë të dyja, jeta ime dhe ajo e partnerit tim më të mira nga marrëdhënia jonë?
Uluni në kolltuk, mbyllni sytë, imagjinoni jetën tuaj pa të dashurin/ dashurën dhe pyesni veten: Si do jetoj pa këtë person? Si do të ndihem? Si do ta kaloj kohën time? A do të ndihem i/e plotë? Do të ndihesha bosh? Unë do të fle e qetë apo do të qëndroj zgjuar?
Kujt do t’i besoj? Me kë do ta kaloj jetën time? Kush do të më ngre humorin kur jam e mërzitur? Kush do të jetë kështjella ime? Është dashuria ime miku im më i mirë? Çfarë do të bëj netëve të fundjavës apo në të përditshmen time kur ky person të zhduket nga bota ime?
Ne kemi nevojë për të lënë mënjanë të gjitha emocionet dytësore si, zilia, frika dhe lidhja e ngushtë, dhe se pavarësisht se çfarë do të ndodhë ne do të mbijetojmë. Duhet të pyesim veten thjesht: “Si do të jetë jeta ime pa këtë person që unë e quaj dashuria ime?”.
Nuk po sygjerojmë që të vazhdoni një marrëdhënie të “sëmurë”, as për faktin që mund të ketë vetëm një person të duhur në jetën tuaj. Pas këtyre dy pyetjeve do të kuptoni se kush është personi i duhur për ju.
Burimi: Elephant Journal
