Tea Trifoni ka qenë shpesh në qendër të vëmendjes për lidhjet e saj të dashurisë e sidomos për lidhjen me Beartin që ishte po aq e bujshme sa edhe ndarja e tyre.
Ajo ka treguar për zhgënjimet e saj, ndërsa është ngacmuar nga moderatoret e tjera në emisionin “Goca dhe Gra”. Tea ka thënë se nuk e ka zemrën e thyer, por është e zhgënjyer me veten për zgjedhjet që ka bërë.
“Zakonisht, për sa i përket çështjeve të dashurisë unë jamë kështu… jo nuk e kam zemrën të thyer, thjesht të zhgënjyer poër momentin, kaq. Edhe jam dakord që besoj se meshkujt e vuajnë më shumë”, tha Tea.
“Po zhgënjimi të vret më shumë se sa mugesa e një personi që nuk e ke më afër?”, u pyet ish-konkurrentja e Për’puthen.
“Jam zhgënjyer me veten time që zgjodha një person të tillë. Unë nuk vuaj mungesën e personit, unë jam mjaftueshëm për veten time, familja, miqtë janë mjaftueshëm “, është përgjigjur ajo.
Kujtojmë se Iconstyle.al ka zbuluar më parë se Tea u nda nga i dashuri i saj, Enkelo Hoxha. Ajo e zbuloi lidhjen po në emisionin “Goca dhe Gra” dhe tregoi se ishin njohur në një festë ditëlindjeje, por me sa duket gjërat nuk ecën siç pritej.
