Vijon buja e intervistës dhe freestyle-t të Capital T në “Gjoni Black”. Së fundmi, shumë prej ndjekësve të emisionit kanë komentuar në videon e publikuar në You Tube se në fakt ky freestyle ka qenë i regjistruar dhe jo live.
Në sektorin e komenteve fansave janë ndarë në dy kampe, ata që e kanë pëlqyer shumë freestyle-n dhe ata që janë zhgënyer pasi mendojnë se ka qenë playback.
Ka nga ata që pakënaqësitë i kanë shprehur edhe në profilin e tij në Instagram. Në një prej videove të publikuara prej Capital T në Instagram një fans ka shkruar “Dy duar kam, sa herë që ti ta djegësh (në muzikë) unë e këpusë njërën. Po të jap 5 vite kohë.”
Ky koment i ka rënë në sy edhe vetë këngëtarit që nuk ka ngurruar t’i japë një përgjigje, duke shkruar: “Të është dashur t’i presësh të dyja prej kohësh shef, dhe hape një profil origjinal pllumi.”
A është i regjistruar apo jo freestyle? Këtë nuk dimë ta themi, por ju mund ta ridëgjoni edhe një herë dhe të na thoni përshtypjet tuaja.
Kujtojmë se prej dy ditësh në rrjet po përflitet edhe fakti se Capital T i ka bërë diss Mozzik gjatë këtij freestyle.
“Ma reper se ti është Lori” është fjalia që bëri lëmsh rrjetin, teksa i kontaktuar nga “iconstyle.al” Capital T preferoi mos të flasë rreth kësaj.
Ai tha se çfarë ka patur për të thënë e ka thënë në emision, as duke i mohuar e as duke i pohuar zërat. Gjatë intervistës, ai nuk e përmendi Mozzik, sikurse bëri me Ardian Bujupin, por gjithsesi mbetet për tu parë se si qëndron e vërteta.
Nga ana tjetër, Mozzik ende nuk ka reguar rreth këtyre zërave që po djegin rrjetin, por Loredana ka hequr Capital T nga Instagrami.
Kujtojmë se nga intervista e Capital T në “Gjoni Black” u krijua një debat publik mes tij dhe Ardian Bujupit, pasi ai u shpreh se Ardiani nuk është mirënjohës për “famën” që ka marrë prej tij. (Lexo këtu).
Pas kësaj ‘akuze’, Ardiani reagoi në InstaStory me një përgjigje për reperin, duke i kërkuar të mos fliste pas shpine por të takoheshin live.
Nuk ka vonuar përgjigjja e Capital T, i cili në postimin e tij në InstaStory i drejtohej Ardianit:
“Mas shpine nuk është në emision live me fol, po është publikisht. S’jam prej atyre që flas mas shpine. Ti nëse don me fol, e flasim qysh dush ti.”- shkruan Kapo.
Kjo përgjigje është pasuar nga një tjetër përgjigje e Ardianit, i cili i bën thirrje Kapos të sqarohen në një video live.
“Nuk mi the këto fjalë kurrë në fytyrë, nuk e kuptoj planin tënd. Ama shkojna live sonte dhe i shprehim.”- shkruan Ardiani, duke lënë kështu një “takim” për t’u sqaruar.
Ashtu siç na paralajmëruan Ardiani dhe Capital T kanë realizuar video live në Instagram për të sqaruar bujën e krijuar në rrjet, por nuk arritën të përballen.
Fillimisht,ishte Ardian Bujupi ai që nisi live por për shkak të ngarkesës nuk arriti të fuste edhe Capital T. Ky i fundit nga ana tjetër hapi tjetër live të cilit ju bashkua edhe Ardiani si shikues, por jo si bashkëbisedues.
Sipas Ardianit , shkak i kësaj deklarate është fakti se ai i ka ofruar Capital T një bashkëpunim para se ai të lançonte “Skulpturë”, duke i dërguar të gjitha elementet e këngës, por Capital T ka dashur ta përfshijë në albumin e tij këtë këngë.
Por, Ardiani nuk e ka pranuar këtë pasi ishte ai që e kishte bërë ftesën, dhe në këtë moment Capital T ka thënë se nuk do bashkëpunojë, meqenëse Ardiani nuk pranoi të ishte në album.
Vetë Capital T nuk e komentoi këtë deklaratë, por tha se Ardiani e ka harruar dhe nuk e ka ftuar për ta takuar as për dreka, darka kur ka qenë në Prishtinë, në shenjë mirënjohje.
