A do të përfitojnë mediat dhe klubet e futbollit nga paketa financiare e qeverisë? Flet Kryeministri

Kryeministri Rama ishte në një lidhje direkte me “Euronews”, ku njoftoi se këtë muaj paketa financiare do të zgjerohet.

Rama u shpreh se pavarësisht zgjerimit për t’i dhënë “krah” bizneseve, ai nuk mendon se është koha të financojë mediat apo futbollin.

Lexo edhe :

E jashtëzakonshme! Një njeri i thjeshtë shpiku vaksinë kundër kancerit, për të shpëtuar qenin e tij

01:53 15/03/26

Plas keq me Juelës dhe Gretës: Kujdes me vrimat

00:00 15/03/26

Vlen të theksojmë faktin se ashtu si uniformat e bardha, edhe media është në dispozicion 24 orë për të informuar dhe ndërgjegjësuar popullin, i cili tashmë më shumë se kurrë ka nevojë për median.

Jo vetëm populli, por edhe kryeministri i cili çdo ditë bën thirrje për përhapje sa më shumë të informacionit, i cili pa median do të shkonte në vesh të shurdhër.

“Më vjen keq por së pari, paketa nuk do të rishikohet por do të zgjerohet ashtu siç e kam thënë edhe ditën e parë. Pra, është një paketë që bazën e vet ka ata që janë më në nevojë dhe pastaj do të zgjerohet. Ndërsa përsa i përket klubeve të futbollit, unë mendoj që klubet e futbollit nuk kanë çfarë i kërkojnë fare qeverisë dhe arkës së shtetit për një sërë arsyesh, por do të sjell një arsye të thjeshtë fare: Klubet e futbollit deklarojnë paga të rreme, sikur janë kompani fason dhe paguajnë paga të majme.

Përsa i përket mediave, unë mendoj që nuk është detyra e qeverisë të financojë ecurinë e programeve komerciale. Detyra e qeverisë është që të garantojë minimumin jetik të medias përsa i përket lirisë së informacionit dhe të drejtës për informim.

Sidoqoftë, ne po i shohim të gjitha, kjo është parimore, nuk është një përgjigje përfundimtare sepse do të shohim me kujdes çdo gjë, por gjithmonë me parimin e radhës. Pra, kushdo që hap gojën sot dhe kërkon, duhet fillimisht të mendojë se në këtë vend ka njerëz të cilët janë në kushtet e ekzistencës dhe duhet të mendojë që sot që flasim, në Shqipëri ka disa mijëra e mijëra familje që jetojnë në çadra, pra të cilëve ne duhet t’ju garantojmë ekzistencën, të cilët nuk mund t’i lëmë në çadër meqë na zuri kjo flamë.

Nuk mund t’i themi se ju do rrini në çadër dhe 3-4 vjet të tjera se ne kemi për të paguar futbollistë apo humoristë.”- u shpreh kryeministri.

https://www.facebook.com/edirama.al/videos/259979345024775/?notif_id=1585739503883382&notif_t=live_video