Ditën e sotme nisi viti i ri akademik, por ndryshe nga çdo herë tjetër studentët u përballën me një situatë të jashtëzakonshme. (KLIKO) Kjo ka shkaktuar reagime të shumta, sidomos nga fakti se vendimi u dha nga Komiteti i Ekspertëve vetëm 3 ditë para nisjes së shkollës, duke shkaktuar jo pak kaos dhe probleme.
Po ashtu, studentët pyesin se përse shkollat shihet se burim infektimi, kurse kafet dhe baret jo. Kjo pyetje ka marrë përgjigje mbrëmjen e sotme nga shefja e Shërbimit Infektiv në QSUT, Najada Çomo, e cila është edhe anëtare e Komitetit Teknik.
E ftuar në “Opinon”, Çomo u shpreh se vendimi është marrë pasi janë shtuar shumë rastet me COVID dhe universitetet shihen si një institucion risku për të përhapur COVID-19, ndërsa sipas saj të shkosh në kafe është zgjedhje dhe e merr përsipër riskun e infektimit.
Duke parë trendin e shtimin e rasteve në të gjithë Shqipërinë, u pa që për një muaj mësimi të zhvillohet online. Sepse mësimi është i detyruar dhe shkuarja në lokal është zgjedhje. Zgjedhje, ke dëshirë dhe shkon në lokal ne e kemi thënë se vendosja e maskave është bërë e detyrueshme. Kush zgjedh të shkojë në një vend që nuk vendoset maska atëherë ti zgjedh riskun për t’u infektuar me koronavirus. Mësimi është i detyruar.
Çomo është shprehur se nëse do të ketë një rritje shumë të lartë të rasteve të reja me koronavirus vendi do të mund të izolohet pjesërisht, por jo tërësisht siç nododhi në mars.
Shpresoj që jo, por nëse shifrat vijojnë që të jenë alarmante rrezikojmë një mbyllje të pjesshme të Shqipërisë. Mund të ketë një mbyllje të zonave që të janë më të rrezikuara. Besoj dhe pjesa e lokaleve do ketë ndonjë veprim të dytë nga qeveria., Nuk është çështja e kontrollin se çështja e maskave dhe distancimi fizik, edhe në vende të tjera që kanë shtim rastesh shikon njerëz që mbajnë maska, ndërsa në Tiranë nuk e mbajnë”.- tha ajo.
