Dita e shtunë ka shënuar një shifër rekord të të infektuarve me koronavirus në Shqipëri, duke regjistruar 48 raste brenda 24 orëve të fundit (lexo këtu).
Një gjë e tillë ka rikthyer në vëmendje idenë e riizolimit, sikurse u veprua në fillim të muajit mars, kur situata e u bë alarmante pas regjistrimit të disa rasteve me COVID-19 në vendin tonë.
Por a do të ndërmerret sërish një masë e tillë? Sipas mjekut Tritan Kalo, rikthimi i izolimit është i pamundur.
Në një postim në Facebook, ai shkruan:
“Nga sfida e përditëshme me Covid-19…..RIMBYLLJA e padëshirueshme dhe e pamundur, por ECJA e KUJDESSHME përpara është plotësisht e mundshme….”
Në vijim të statusit të tij, dr. Kalo rikujton dhe njëherë që nuk duhet ulur vigjilenca që të gjithë kishim në fillimin e pandemisë, duke filluar me respektimin e distancimit social, higjienën personale të shtuar etj.
Nga sfida e përditëshme me Covid-19…..RIMBYLLJA e padëshirueshme dhe e pamundur, por ECJA e KUJDESËSHME përpara është…
Posted by Tritan Kalo on Friday, 12 June 2020
“OKSIGJENIMI i trurit dhe i trupit pas uljes së vrullit të Sars-Cov2/Covid-19 nëpërmjet kufizimeve të imponuara, DUHET të na bëjë në VIJIMËSI të reflektojmë dhe të veprojmë me moton: ‘JETA e gjithkujt është shumë e shtrenjtë, e domosdoshme për Shoqërinë tonë.’….NËNVLERËSIMI i vetëndërgjegjësimit, i mirësjelljes në publik, i distancimit fizik, i higjenës personale dhe asaj kolektive, i aktivitetit fizik në mjedise të hapura, i mbajtjes së maskave në mjedise me prani të shumë individëve në to, i kufizimeve të grumbullimeve kur këto nuk janë një domosdoshmëri jetësore, i hidrimit dhe i ushqimit të shëndetshëm dhe sipas mundësive, solidariteti me njerëzit në nevojë, i RESPEKTIMIT të vetëvetes POR edhe i të tjerëve që gjallojnë rreth teje e sidomos ulja e përkujdesit ndaj të moshuarve, SJELLIN për pasojë edhe shtimin e mundësive për tu infektuar nga Sars-Cov2/Covid-19….
Të mendojmë dhe të punojmë vetëm e vetëm për të ARDHMEN tonë dhe të fëmijëve tanë….UDHËN e theqafjes/gurbetit kurdoherë e kemi të hapur, POR “guri i rëndë në vend të vet”…PPP-ja shpirt dhe vendmbrothësuese DUHET të jetë dhe të mbetet vetëm PUNA, PËRKUSHTIMI dhe PROFESINALIZMI prej gjithkujt, për çdo çast dhe kudo….AJO çka i lëmë vendit dhe brezave është vetëm e vetëm mbrothësimi i tyre….AJO çka gjithkush len pas vetes është vetëm e vetëm emri i mirë, dobiprurja për ecurinë e pjesëzës socio-ekonomike për të cilën ai/ajo ka kontribuar….KËRKIMI me çdo mjet e formë i PROTAGONIZMIT dhe i IDENDITETIT të munguar socio-profesional sidomos në këto kohë, sjedh vetëm e vetëm kokëdhimbje e konfuzion për publikun, si dhe zbehje apo zhbërje të profesionalizmit të gjithsecilit prej nesh….Na dëgjoni, na besoni, na mirëkuptoni dhe bashkëpunoni me NE, për tu përballur me këtë sfidë të Sars-Cov2/Covid-19, dhe jo vetëm….PËR të sotmen dhe të ardhmen tonë!!!”-shkruan mjeku i njohur.
