Pak ditë më parë Mariza Ikonomi na zbuloi se është në një lidhje dashurie. Edhe pse e ka patur gjithmonë kompleks të shfaqej me partnerë në publik, u tha se ajo do bëjë hapin e madh drejt martesës.
Këtë lajm na i dha një nga miqtë e Marizës, Ermal Peçi i cili tha se së shpejti këngëtarja do ta kurorëzojë dashurinë e saj.
“I kam thënë ‘Martohu’ dhe po e them si lajm ekskluziv se Mariza do martohet shumë shpejt. Është e vetmja gjë që i kemi kërkuar publikisht dhe e ka ndarë mendjen,” ka thënë Ermali edhe pse nuk na ka zbuluar më shumë detaje.
Menjëherë pas deklaratës së Ermalit ka ardhur reagimi i Marizës e cila nuk na zbuloi nëse do ketë apo jo një dasmë së shpejti.
“Besoj që martesa me personin e duhur nuk është asnjëherë gabim. Mua nuk më frikson por edhe nuk jam nga ata që vdiqa për t’u martuar. Unë i dua festat. E rëndësishme është se si ndihesh me njëri-tjetrin pastaj këto gjërat janë të bukura dhe mund të mbetet një kujtim por nuk është gjithçka,”-tha Mariza në një intervistë për T.A.R.
Gjatë intervistës ajo na zbuloi se këngën e fundit ia ka dedikuar partnerit të saj duke thënë se ndihet vërtetë e dashuruar.
“Në fakt kjo ka qenë një nga këngët që ne ia kemi kushtuar njëri-tjetrit, ose unë ia kam kushtuar atij. Muzika edhe teksti është frymëzuar prej tij. E kemi kënduar shumë shpesh bashkë. Kishte një ‘vibe’ shumë të mirë. Kjo është kënga e parë që unë i kam kushtuar dhe shpresoj që të vazhdoj t’ia kushtoj sepse nuk ka gjë më të bukur sesa të frymëzohesh nga dashuria. Unë vërtet ndihem e dashuruar dhe e lumtur.”
