Si jeton futbollisti Ronaldo dhe çfarë e mbushë shtëpinë e tij? Në fakt këto dy pyetje ngacmojnë mendjen e çdo femre që është e dhënë pas yllit të futbollit.
Ai fton secilën prej jush në një “udhëtim” brenda shtëpisë së tij. Cristiano Ronaldo ka dirigjuar kameramanin në të gjitha dhomat më të rëndësishme të shtëpisë së tij madhështore.
Për 30-vjeçarin dhoma më e rëndësishme është ajo e gjumit, ku kalon dhe pjesën më të madhe të ditës, duke qenë se profesioni i tij kërkon që të pushojë mirë. Gjithashtu ai tregoi se rëndësi për të ka edhe kuzhina, pasi për të qenë në formë të mirë fizike duhet të ushqehet shumë dhe mirë.
Një vend të cilin futbollisti e përdor shpesh për të medituar në qetësi është dhe veranda, e mbushur me lule të ndryshme. Turin në vilën e tij, Cristiano Ronaldo e mbylli në oborrin e pasëm të shtëpisë, ku ndodhej një fushë futbolli, pishinat dhe garazhdet për makinat e tij, ndërsa nuk harroi të japë dhe urimin e tij për Krishtlindje: “Të jemi të lumtur, pasi kjo është më e rëndësishmja”.
Ndërsa ju po mendoni, “Ehh… kush nuk do ishte i/e lumtur me një shtëpi të tillë…”.
