“Shikoje veten, ti ma shpif”. Kështu i është drejtuar Justin Bieber një fanseje e cila po priste prej kohësh, që të bëntë një foto me 23-vjeçarin.
Këngëtari iu drejtua me fjalë fyese fanses së tij në mes të gjithë turmës kur ishte duke hyrë në makinë dhe ajo iu afrua për të bërë një foto me të.
Kjo ngjarje ka ndodhur në mëngjesin e së premtes, para se ai të niste koncertin e tij në Melbourne, Australi. Sabah Helal ishte 20-vjeçarja që qëndroi gjithë ditën në radhë për të bërë një foto me këngëtarin dhe reagimin i tij e ka lënë pa fjalë.
Nëna e vajzës ka thënë për “Dailymail” se pas disa vitesh, që e mbështeste muzikën e tij, tani Sabah nuk do të jetë më pjesë e koncerteve të tij. Së fundmi, Justin Bieber njihet për problemet e tij me fansat pasi ka patur edhe incidente të tjera, si rasti kur goditi me grusht një djalë.
