Ajo është një nga aktoret që ka pranuar së fundmi se ka bërë botoks. Ndryshimi i paraqitjes së Nicole Kidman së fundmi, nuk ka kaluar pa u vënë re, ndërsa 49-vjeçarja dukej shumë ndryshe vetëm brenda disa ditësh.
Vetëm 6 ditë pasi u shfaq në tapetin e kuq të “Oscar”-it në Los Angeles, ylli i “Lion” dukej me një fytyrë më të fryrë dhe më të rrumbullakët, teksa ishte e pranishme në ceremoninë e “Goldene Camera Awards”, në Hamburg të Gjermanisë.
Në një intervistë të dhënë për “Daily Mail Australia”, kirurgu plastik Dr. Jeremy Hunt ka thënë se transformimi i Nicole ka ardhur si rezultat i injeksioneve mbushëse.
“Ka më shumë fryrje te faqet, arsye mund të jetë shtimi në peshë, por në një periudhë kaq të shkurtër mendoj se është përdorimi i injeksioneve mbushëse. Injeksionet shtojnë fryrjen dhe nxjerrin në pah zona të tilla, si buzët dhe mollëzat, një sasi e vogël mund të jetë efektive, por një sasi më e madhe mund të rezultojë në paraqitjen e njohur si “sy të fryrë”, u shpreh kirurgu.
Edhe pse më parë aktorja hollivudiane kishte pranuar se kishte përdorur botoks, ajo njëkohësisht kishte deklaruar se i kishte dhënë fund përdorimit të këtyre injeksioneve.
Burimi: Daily Mail
