Moderatorja Floriana Garo ka treguar se ka gjetur sërish dashurinë dhe se lidhja e saj e re e bën të ndihet mirë, pasi ka gjetur dikë siç do ta donte.
“Mund të them vetëm që ndihem mirë, dhe kam gjetur një njeri që më përshtatet.”
E ftuar në “Express Rozë”, Floriana tregoi për marrëdhënien që nuk mund të quhet më “e re”, por tha se këtë herë ka vendosur të mos i bëjë publike detajet; mësime nga e shkuara.
“Lidhja ime nuk është më e re, në fakt. Tashmë u bënë muaj. Por unë kam zgjedhur të mos e diskutoj, sepse kam folur më parë për lidhjen që kisha, dhe është përfolur shumë. Do të doja të shkëputesha nga gjithë zhurma që pati, dhe ta shijoj këtë moment të bukur që po kaloj.”
Ajo tregoi se ditëlindjen e festoi me personin e saj të zemrës, si edhe se dhurata më e bukur e ditëlindjes ishte varësja që mban në qafë.
