Modelja ruse, Victoria Bonya është ndaluar në aeroportin e Los Anxhelos, pasi dyshohej se ishte spiune e Vladimir Putin. Agjentët TSA menduan se ajo mbante një kartë Spy-Land, e specializuar për kamerat e fshehta, por që rezultoi të ishte një kartë e zakonshme.
Bonya, një ish-modele e Playboy, tha se oficerët e pyetën në lidhje me presidentin rus, Vladimir Putin dhe KGB. “Unë fillova të qeshja sepse mendoja që ishte vërtetë një shaka, derisa ata më pyetën të njëjtën gjë për herën e tretë”, shkruajti 37-vjeçarja në një postim në Instagram.
Ajo i bindi autoritetet, se kishte një kartë të zakonshme vetëm pasi i tregoi llogaritë e saj në rrjetet sociale, ku ka miliona ndjekës.
