Rihanna prezantoi dje koleksionin e ri “Fenty x Puma” në Javën e Modës në Paris, duke sjellë një konceptim shumë ndryshe për bukurinë.
E veshur me një pallto të gjerë neon, 29-vjeçarja dukej mjaft e lumtur që po prezantonte krijimet e saj ekstravaganteë për “Fenty x Puma”.
Shfaqja e modës u mbajt në Bibliotekën Kombëtare të Francës dhe vetë sfilata kishte tematika shkollore ku nuk mungonin as nxitëset e tifozëve dhe studentet e “prapa” të veshura me minifunde dhe me një makijazh të rëndë, shpesh herë edhe topless.
Në sfilatë ishin edhe modele të njohura, duke përfshirë Lily Donaldson, Stella Maxwell dhe Joan Smalls, të cilat gjithashtu rrezikuan me look-un e tyre. Si gjithmonë të gjithë i kishin sytë te Rihanna, e cila nuk zhgënjeu me pallton e saj neon që nuk linte hapësirë për të parë më tej, përveç një bluze të zezë me logo dhe flokët e kapur bisht.
