Të ardhurat e majme , që merr nga koncertet e tij dhe klikimet në YouTube i dinë të gjithë, po ashtu edhe maninë e tij për makina luksoze dhe të shtrenjta.
Së fundmi, Noizy ka blerë një makinë të re të tipit “Rolls Royce”, ngjyrë të zezë, një nga ato makinat që detajet e bëjnë edhe më të rëndësishme.
Vlera e një makine të tillë mendohet se fillon nga 200 mijë dollarë e lartë, çka tregon se reperi ka shpenzuar një shumë goxha të majme në blerjen e kësaj veture.
Ai ka ndarë me fanasat disa fotografi në llogarinë personale në Instagram, ku shfaqet brenda saj, teksa bie në sy shkëlqimi që jep makina me plot detaje me drita nga fjala më e fundit e teknologjisë.
