Femrat e famshme të skenës shqiptare shfaqen gjithmonë të kuruara në çdo detaj. Por, disa prej tyre kanë guxuar të na tregojnë edhe fytyrën e tyre të vërtetë, të sapozgjuara nga gjumi, apo edhe në momente të tjera të përditshmërisë, ku kanë refuzuar grimin. Jeni kuriozë të zbulojmë sesi duken vajzat e famshme pa grim? Do të zbulojmë së bashku disa prej tyre.
Beatrix Ramosajn e shohim rrallë të pa grimuar. Megjithatë, kjo jo sepse këngëtarja dëshiron të fsheh ndonjë gjë në fytyrën e saj. Ajo duket gjithsesi e këndshme edhe tërësisht natyrale.
Albana Osmani shquhet për tiparet e saj të ëmbla, të cilat duken po njëlloj edhe kur Albana nuk grimohet.
Aktorja dhe modelja Almeda Abazi ka një fytyrë tipike mesdhetare, me tipare të errëta dhe të theksuara. Kjo natyrisht e bën tejet joshëse. E ndonëse makijazhi e bën të duket e magjishme, Almeda nuk është keq edhe pa të.
Arbana Osmanin e shohim rrallë në përditshmëri. Megjithatë ajo që mund të themi me siguri është fakti që moderatorja është minimaliste kur bëhet fjalë për grimin. Arbana shfaqet thuajse natyrale në shfaqjet në publik, ndaj fytyra e saj pa grim nuk është surprizë për askënd.
Mes yjeve që nuk kanë nguruar të tregojnë fytyrën e tyre të vërtetë është edhe Elhaida Dani. Këngëtarja e njohur është ngjitur në skenë , që në moshë fare të re dhe asokohe ka preferuar që grimi të ishte i kufizuar. Megjithatë, gjatë viteve të fundit e kemi parë më shumë të kuruar. Gjithsesi Elhaida duket njëlloj e këndshme edhe në versionin “ujë e sapun”.
Një foto e Fjolla Morinës natyrale po qarkullon prej kohësh. Këngëtarja e njohur është mama e dy vajzave dhe ende duket mirë edhe e pagrimuar.
Edhe Marina Vjollca ka guxuar dhe ka publikuar një selfie me fytyrën e saj natyrale. Prezantuesja duket padiskutim këndshëm, megjithëse kjo nuk është hera e parë që e shohim “ujë dhe sapun”. Marina ka publikuar edhe më parë në Instagramin e saj foto ku shihet pa grim.
Në listën e femrave VIP që i kanë thënë “Jo” grimit, të paktën vetëm një herë është edhe Miriam Cani. Këngëtarja nuk shquhet për ekstravagancat, ndaj nuk përbën problem fakti, që hera herës të shfaqet natyrale. Në fakt, Miriami nuk ka asgjë për të fshehur poshtë shtresave të makijazhit, pasi është një vajzë mjaft simpatike.
