Dashi
Edhe këtë muaj do të ndiheni mjaft energjik dhe do të provoni ndjesi të reja. Ashtu sikurse ka ndodhur çdo vit, edhe këtë radhë, Dielli do të vendoset në shenjën tuaj , më datë 20 mars. Disa prej jush ndihen të varur prej zgjedhjeve, apo vendimeve të njerëzve të tjerë. Mund të keni bërë kërkesa prej kohësh dhe ende nuk keni marrë një përgjigje. Duhet të keni durim nëse keni nisur projekte dhe çdo ditë konsiderojeni një fushë beteje, ku duhet të luftoni. Gjërat nuk do të ndryshojnë vetëm për ju, por edhe për njerëzit rreth jush, pasi e gjithë kompania në të cilën punoni mund të zhvendoset. Rrjedha e ngjarjeve mund të ndryshojë drejtim. Do t’ia dilni mbanë shumë mirë, në gjithë këtë kaos. Nga ana tjetër, nëse zotëroni një aktivitet privat, do të jeni shumë të zënë me punë. Do të keni mosmarrëveshje me ortakët tuaj dhe ndoshta do të lindë nevoja e ndjekjes së çështjes,në rrugë ligjore. Mos prisni frytet e punës suaj përpara fundit të këtij viti. Përpiquni të arsyetoni me mendje të kthjellët. Duke qenë se Jupiteri nuk është në favorin tuaj këtë periudhë, mund t’ua ngadalësojë gjërat dhe kështu mund t’ju lërë një shije , jo fort të mirë. Nëse jeni shkëputur prej kohësh nga shtëpia, po pyesni veten nëse ja vlen të ktheheni sërish.
Këtë muaj do të favorizohet fusha e ndjenjave. Edhe pse Jupiteri nuk është në favorin tuaj, nuk duhet të trembeni. Ka një arsye të fortë pse lidhja juaj i ka rezistuar kohërave. Do t’ju duhet të përshtateni edhe me ndryshimet në punë, që mund të pësojë njeri prej të dyve në çift. Beqarët do të kenë mundësi të takojnë njerëz fantastik këtë muaj. Nëse nuk jeni nga ata që qëndroni të mbyllur në shtëpi, mund të keni përjetuar ndjesi të reja që nga muaji shkurt. Marsi do të jetë një muaj i vrullshëm, duke qenë se do të ketë edhe Diellin në favor të tij. Periudha që prej datës 21, deri më datë 28, do të jetë e rëndësishme për ata çifte që duan të marrin një vendim , për vijimësinë e lidhjes së tyre. Nëse jeni në kërkim të dashurisë do ta gjeni atë. Do ta keni të vështirë për të mbajtur lidhjet tuaja paralele. Nuk është e thjeshtë t’i mbani të dyja, kështu që do t’ju duhet të bëni një zgjedhje. Jupiteri dhe Venusi nuk do t’ju përkrahin këtë muaj dhe mund të bëhen shkas i shkëputjes nga dashuritë e pamundura, apo të konsumuara.
Ky është momenti më i mirë për të nisur kura, apo projekte të reja. Yjësia do të jetë në përgjithësi pozitive dhe do të ndikojë në rimëkëmbjen tuaj fizike. Kohët e fundit keni bërë përpara dhe keni provuar se jeni i qëndrueshëm emocionalisht.
Demi
Edhe këtë muaj nuk do t’ju mungojë energjia. Këtë pranverë do të fitoni mjaft terren në fushën profesionale. Kemi vetëm një këshillë; bëni kujdes me paratë. Duket t’i kurseni në mënyrë, që t’i bëni ballë periudhës më të vështirë të vitit, vjeshtës. Marsi, që është planeti i forcës dhe pushtetit, do të hyjë fuqishëm në shenjën tuaj , që prej datës 10. Ky horoskop do t’ju vijë në ndihmë për të zgjidhur gjëra të lëna përgjysmë. Kjo do të jetë një periudhë risish për ju që keni zgjeruar rrethin tuaj të njohjeve , që prej viti që shkoi. Tashmë kanë ndryshuar rregullat e lojës dhe do t’ju duhet të përshtateni me gjithë këto risi. Mund të nisni edhe ndonjë punë eksperimentale, por në fund të vitit Saturni do të hyjë në shenjën tuaj duke i stabilizuar disi gjërat. Rreth datës 20 do të ndiheni mjaft energjik. Ditët e fundit të marsit do të jenë më të mirat, për t’u pasuar nga prilli, kur idetë tuaja do të fillojnë të konkretizohen. Të favorizuar do të jenë më të guximshmit.
Kushtojini vëmendje fushës së ndjenjave. Një dashurie e re mund të lindë papritur. Gjithashtu, nëse keni kohë që projektoni plane në çift, tashmë do t’i shikoni gjërat e konkretizuara. Për shembull, nëse keni dashur të bëheni me fëmijë, tashmë është momenti i duhur. Ka mundësi që edhe të shkoni pak më larg, sesa thjesht shoqëria me një person. Nëse keni kohë që e keni mbyllur një lidhje dashurie, do të ndjeni nevojën që të ndërtoni një të re. Marsi do të vendoset në shenjën tuaj më datë 10 dhe do t’ju shtyjë drejt lidhjeve pasiononte. Nuk do të mungojnë as debatet në familje, por edhe me partnerin. Të lindurit nën shenjën e Peshqve, apo Dashit mund të bëhen shumë të rëndësishëm në jetën tuaj. Do të ndesheni me surpriza të këndshme. Brenda dhjetorit, ëndrra juaj për t’u bërë prindër do të bëhet realitet.
Yjësia e këtij muaji do të jetë mjaft interesante dhe pozitive për të lindurit nën shenjën e Demit. Bëni kujdes vetëm nga ndikimi negativ , që do të ketë vendosja e Marsit në shenjën tuaj rreth datave 15, 16, 23 dhe 24. Do ndiheni më pozitiv këtë muaj dhe do të keni dëshirë për t’u kujdesur për pamjen tuaj të jashtme.
Binjakët
Ky muaj do të jetë nën ndikimin e Jupiterit. Kështu, do të ndiheni të mbrojtur, por pa ide të reja. Nuk do të shpenzoni para, por as do të fitoni. Gjithsesi, ky vit do të jetë më mirë se ai që latë pas në shumë aspekte. Gjatë vitit që shkoi, ju është dashur të hiqni dorë nga disa gjëra, apo projekte që kishit planifikuar. Për fat të mirë, tashmë nuk ndiheni më të tensionuar. Keni bërë përpara dhe ndiheni më të lumtur. Gjërat ju duken më të thjeshta. Bëni kujdes me paratë. Rreth datës 13 parashikohet të bëni shumë shpenzime. Kështu, do të përballeni me debate në familje në datat 11 dhe 12. Pjesa e dytë e muajit do t‘ju favorizojë, nëse zotëroni ndonjë aktivitet privat. Është e rëndësishme që të fuqizoni lidhjet tuaja të vjetra, nëse i mendoni si garanci për të ardhmen. Muajt më të rëndësishëm për t’ju futur punës apo studimit do të jenë maji, qershori dhe korriku. Kështu, nuk do të bënit keq nëse gjatë kësaj periudhe do të reflektonit për drejtimin që do të merrni në të ardhmen. Data 28 do të jetë e përkryer nëse doni të parashtroni idetë tuaj për të bëra disa hapa përpara.
Problemet që keni pasur në punë kanë ndikuar edhe në marrëdhënien tuaj në çift. Kështu, edhe çiftet më të konsoliduara kanë hasur vështirësi në zgjidhjen e mosmarrëveshjeve. Ky muaj ju fton të jeni më të dashur apo edhe të mëshirshëm, nëse do të lindë nevoja. Rreth datës 20 do të ndesheni me debate në familje. Jupiteri në shenjën tuaj do t’ju ndihmojë në rast se dëshironi të bëheni me fëmijë. Saturni vazhdon të jetë i pozicionuar kundër jush, por nuk do të ketë një ndikim aq negativ sa vitin që shkoi. Ky muaj premton dashuri të reja edhe për ju që sapo jeni ndarë. Do të filloni të ndiheni më të zhdërvjellët. Mos përsërisni gabimet e së shkuarës.
Ky muaj do të jetë në përgjithësi pozitiv me Venusin dhe Marsin në krah. Edhe Dielli do të hyjë në shenjën tuaj dhe do t’ju mbrojë duke filluar nga data 20. E marta e datës 28 do të jetë dita më e rëndësishme. Pika juaj e dobët janë mushkëritë. Kështu, duhet të bëni kujdes nga sëmundjet e stinës që ndikojnë për keq tek ato.
Gaforrja
Shpresoj që ju të lindurit nën shenjën e Gaforres t’ia keni hedhur paq, pas një muaji shumë të ngatërruar në punë. Edhe ky muaj do të jetë i vështirë. Tashmë, ndjeni nevojën për të sqaruar pozicionin tuaj në kompaninë ku punoni dhe këtë duhet ta bëni brenda pranverës. Mund të lindë nevoja , që të kërkoni të largoheni prej aty dhe të kërkoni diçka tjetër. Nëse pozicioni që keni është drejtues, do të përpiqeni të mbani larg ata që veprojnë kundër jush. Yjet do t’ju favorizojnë edhe nëse merrni vendime drastike. Duhet të mësoheni me idenë se do t’ju duhet të përballeni me vështirësi nga më të ndryshmet. Gjërat do të kthehen në favorin tuaj duke filluar që prej shtatorit. Mund t’ju duket kohë shumë e gjatë, por ndërkohë mund të mendoni se si do ta shfrytëzoni pjesën tjetër të vitit. Nëse zotëroni një aktivitet tuajin dhe ndiheni të sulmuar nga dikush, duhet ta zgjidhni problemin në rrugë ligjore, pasi mund t’ju vënë me shpatulla pas murit. Bëni kujdes edhe me shpenzimet.
Gjatë shkurtit keni lënë çështje të pazgjidhura. Kjo është e dukshme në marrëdhënien tuaj, pasi duke i lënë gjërat pezull e keni të vështirë të gjeni qetësinë sërish. Do të ndesheni me vështirësi rreth datës 14 dhe 21. Nuk bëhet fjalë vetëm për të vendosur nëse duhet ta mbani gjallë një marrëdhënie apo jo. Tashmë është e rëndësishme të vendosni se çfarë dëshironi vërtetë. Gjatë muajit mars do të jetë e vështirë të ruani lidhjet me një person që tashmë e ndjeni të largët. Muajt që do të pasojnë do t’ju çojnë drejt lidhjeve disi të çuditshme dhe vendimet që do të merrni mund të duken paksa të guximshme. Bëni mirë të shmangni debatet. Do të jetë e vështirë të ruani qetësinë nëse provokoheni vazhdimisht. Historitë e dashurisë që do të lindin gjatë kësaj periudhe do të jenë problematike.
Energjia juaj këto kohë do të jetë e luhatshme. Bëni mirë të kujdeseni për shëndetin dhe të relaksoheni. Ditët më të mira të këtij muaji do të jenë ato të datave 7, 16 dhe 26. Nuk ju këshillojmë të mbingarkoheni.
Luani
Edhe këtë muaj do të jeni nën ndikimin pozitiv të yjeve dhe shpresoj që ta shfrytëzoni më së miri këtë fakt. Pas datës 20, 10 planetë do të vendosen në shenjën tuaj dhe kështu marsi do të shndërrohet në një ndër muajt më me fat të vitit. Dita 28 do të jetë më e rëndësishmja, pasi do të keni edhe Hënën në favorin tuaj. Kjo periudhë do të jetë mjaft e përshtatshme edhe për të nënshkruar marrëveshje, apo të merrni në dorë frerët e kompanisë ku punoni. Do të keni shumë oferta dhe nëse nuk qëndroni duarkryq do të korrni sukses. Nuk do të mungojnë edhe momentet e vështira. Mund t’ju duhet të merrni para borxh për të blerë shtëpi, apo për t’u zhvendosur. Të lindurit nën shenjën e Luanit e kanë shumë të fortë ndjenjën e konkurrencës. Nëse keni pasur probleme ligjore në të shkuarën, tashmë është momenti që t’i jepni një zgjidhje. Nuk mund të pretendoni që problemet tuaja të zgjidhen sa hap e mbyll sytë, ama kostoja që do të paguani do të jetë më e vogël. Që prej darës 20, deri më 31 do t’ju ofrohen mundësi të shkëlqyera. Shfrytëzojeni këtë periudhë për të dhënë rezultate edhe më të mira në punë.
Yjësia do të jetë e nevojshme edhe sa i takon fushës së ndjenjave. Nuk është e thjeshtë të gjesh dashurinë e vërtetë, ama këtë periudhë nuk do të jetë e vështirë që të gjeni dikë që ju përshtatet. Mos prisni mrekullira vetëm se keni yjësinë në favorin tuaj. Nga ana tjetër, ajo mund t’ju ndihmojë të bëni përpara nëse dikush ju intereson vërtetë. Mendojeni seriozisht martesën në këtë periudhë. Në të kundërt prisni majin. Të lindurit nën shenjën e Luanit nuk i kanë kurrë gjërat e thjeshta në dashuri. Kjo yjësi do t’ju bëjë që ta lëshoni veten drejt ndjenjave. Do të ndiheni të fortë dhe plot energji. Gjatë ditëve të fundit të marsit do të bëni takime mjaft interesante.
Do të ndiheni tejet energjik për shkak të planetëve , që keni në krahë këtë periudhë. Fundi i muajit do të jetë më i përshtatshmi për të nisur terapi, apo kura të reja. Gjithçka do të shkojë më së miri. Pozitiviteti dhe energjia nuk do t’ju mungojnë gjatë këtij muaji. Bëni kujdes që ti shfrytëzoni në mënyrë më të njëtrajtshme duke ndjekur një ritëm të caktuar në përditshmërinë tuaj.
Virgjëresha
Do të keni shumë shpenzime këtë muaj. Fatmirësisht do të keni mundësi t’i mbuloni këto shpenzime me të ardhurat tuaja të mjaftueshme. Situata do të përmirësohet në prill. Jupiteri do t’ju ndihmojë t’i kaloni këto vështirësi ekonomike. Rreth datës 21 do t’ju duhet të shlyeni borxhet e prapambetura. Nuk do të mund ta shmangni stresin, nëse keni derdhur shumë para për të investuar në kompaninë që zotëroni. Tensioni që keni mbartur nga muajt e shkuar mund të reflektohet pikërisht tani. Mos i anashkaloni mundësitë që ju jepen për të bërë ndryshime. Nuk po jepni maksimumin tuaj në punë, pasi ndjeni se ju mungon diçka. Nëse prisni të rimbursoheni prej sigurimeve tuaja, duhet të bëni ende durim deri në qershor. Marsi në shenjën tuaj do t’ju shtyjë drejt iniciativave të reja.
Tashmë nuk ndiheni më të persekutuar prej së shkuarës, sa i takon dashurisë. Marsi duket një muaj i qetë, por ende nuk mund të pretendoni pasionin që kërkoni. I referohem këtu njerëzve që nuk e kanë gjetur ende një person të rëndësishëm në jetë. Të lindurit nën shenjën e Virgjëreshës bien shpesh viktima të dëshirës për të qenë të përsosur, në mënyrë që të shmangin situatat e paparashikuara , që mund t’u dalin rrugës. Kujdes me dëshirën që keni për t’i kontrolluar njerëzit psikologjikisht, pasi kjo mund t’i dëmtojë ata. Paralajmërimin e parë jua dhamë në janar dhe që prej atëherë jeni përpjekur që të reflektoni. Kohët e fundit i keni ngatërruar disi rolet që keni në marrëdhënien tuaj. Edhe nëse lidhja juaj nuk ka arritur ende në një moment kritik, e keni të qartë se diçka nuk shkon në të. Nëse keni pranë vetes dikë pozitiv dhe që e dashuroni, përpiquni t’i zgjidhni këto mosmarrëveshje rreth datës 24.
Ditët e fundit të marsit do të jenë më të mirat. E shikojmë të arsyeshme që t’ju bëjmë me dije se disa ditë do të jenë më të tensionuara dhe të vështira për t’u menaxhuar, si për shembull data 20. Do të vuani mjerisht nga dhimbjet e kokës të shkaktuara prej stresit.
Peshorja
Suksesi që keni korrur këto kohë i ka bërë njerëzit përreth jush shumë ziliqarë. Kritikoheni shumë shpesh për gjërat që bëni dhe jo sepse është vërtetë e nevojshme. Ky horoskop është i veçantë. Jupiteri dhe Saturni do t’ju shtyjnë të bëni përpara duke shfrytëzuar aftësitë që keni. Nga ana tjetër planetet, që do të veprojnë kundër jush këtë muaj do të krijojnë mosmarrëveshje në ambientin që ju rrethon. Do të debatoni me ortakët, apo kolegët tuaj, pasi do të zbuloni se këta njerëz i keni kundër, ndërkohë që janë shtirur gjatë gjithë kohës se ju kanë përkrahur. E rëndësishme është që në fund të dilni ju fitimtar, edhe pse do të ndiheni shumë të tensionuar gjatë kësaj periudhe. Ditët më të vështira të muajit do të jenë ato të datave 7, 8 dhe 21. Nëse jeni të punësuar diku, mund të debatoni me shefin dhe kështu mund të dëshironi të ndryshoni punë. Gjithnjë nëse nuk e keni marrë këtë vendim që vitin që shkoi. Do të shikoni se gjërat do të ndryshojnë deri në verë. Prisni prillin për të ndërmarrë vendime sa i takon ekonomisë, pasi do të gjykoni me mendje më të kthjellët. Ka shumë mundësi të ndryshoni punë gjatë kësaj periudhe.
Ky muaj do të jetë disi i çuditshëm sa i takon fushës së ndjenjave. Do të ndiheni në vështirësi nëse nuk jeni sjellë shumë mirë në të shkuarën, apo nëse keni pasur histori paralele. Bëni mirë ti sqaroni gjërat njëherë e mirë. Do t’ju duhet ta menaxhoni situatën me zgjuarsi duke mos e lënë melankolinë, mërzinë, apo dëshirat e errëta të ndikojnë në marrëdhënien tuaj. Mos u dëshpëroni nëse nuk e keni gjetur ende dashurinë. Do t’i rimerrni forcat në maj. Ndërkohë, do t’ju duhet edhe pak kohë për të realizuar planet tuaja për t’u bërë me fëmijë. Në këtë pikëvështrim, vera do të jetë stina më e përshtatshme. Do të ndiheni të trazuar emocionalisht. Bëni kujdes me vështirësitë, që mund të hasni me ndonjë ish të dashur, apo me fëmijët. Do të dini t’i përballoni edhe këto probleme, duke pasur edhe mbështetjen e nevojshme. Do të ndiheni disi të hutuar në marrëdhëniet me të lindurit nën shenjën e Gaforres, apo Bricjapit. Gjithçka mund të zgjidhet nëse mirëkuptimi është i dyanshëm.
Do të hasni vështirësi duke qenë se keni ende planetë kundër jush. Përpiquni të mbani nën kontroll zemërimin. Mos u shqetësoni nëse i keni njerëzit kundër. Ditët më të vështira do të jenë ato të datave 21 dhe 28 mars.
Akrepi
Këtë muaj do të ndiheni disi të lodhur. Mund të debatoni edhe me kolegët duke qenë se Marsi nuk do të jetë në favorin tuaj. Do t’ju ndodhin disa ndryshime nëse keni pozicion drejtues. Në të kundërt, nëse jeni i punësuar, do të ndiheni të lodhur nga mungesa e organizimit. Të gjitha këto pakënaqësi do të kulmojnë në mes të muajit. Çdo gjë do të zgjidhet me kalimin e kohës. Në qoftë se keni ndërmend të kapërceni një vështirësi, apo të bëni ndonjë propozim të rëndësishëm, ju këshilloj të veproni gjatë 13 ditëve të para të muajit. Prej datës 6, deri më datë 9, situata astrologjike do të jetë mjaft interesante. Nga fundi i Marsit do të ndiheni shumë të lodhur. Prandaj ju këshillojmë të shfrytëzoni ditët e para të këtij muaji. Përpiquni të mos stepeni nga ndonjë moment pasigurie. Në fund të fundit ju do të dilni fitimtarë dhe e ardhmja duket premtuese. Do të keni shpenzime , të cilat duhet t’i llogarisni mirë.
Këtë muaj gjasat do të jenë të favorshme në aspektin e ndjenjave, por mos prisni për takime dhe ndjesi të flakta. Çiftet që kanë pasur probleme do të mund t’i zgjidhin situatat e pakëndshme. Nëse keni vuajtur prej kohësh nga një marrëdhënie posesive, më në fund do të çliroheni prej saj. Për fat të keq, nëse sapo keni përjetuar një ndarje, do t’ju duhet kohë që ta merrni veten prej saj. Situata duket mjaft premtuese për të rinjtë, të cilët do të përjetojnë papritur histori dashurie, të cilat nuk i kishin pritur. Ndërkohë, nëse marrëdhënia juaj nuk po shkon siç duhet, filloni të mendoni seriozisht nëse duhet të toleroni, apo të shkëputeni prej saj. Duke qenë se Marsi nuk ndodhet në një pozicion të favorshëm, disa çifte do të përjetojnë një krizë në rrafshin emocional, por edhe atë seksual. Bëni shumë kujdes nëse keni probleme financiare me ish partnerin tuaj. Vendosja jo e favorshme e Marsit do t’ju sjellë probleme gjatë 10 ditëve të fundit të muajit.
Është e dukshme që problemet dhe shqetësimet do të krijohen nga vendosja jo e përshtatshme e Marsit. Situata do të jetë konfliktuale me ambientin e jashtëm. Kini kujdes në fund të muajit, pasi nuk do të dini ta kontrolloni zemërimin. Bëni durim në datat 23 dhe 24. Është më mirë të duroni se sa të shpërtheni.
Shigjetari
Është e pamundur të mos dilni fitimtarë me një yjësi të tillë! Pika e fortë e të lindurve nën shenjën e Shigjetarit është kreativiteti, idetë që dalin prej tyre. Do të keni mundësi të reja për punësim, kjo si rezultat edhe i përpjekjeve dhe planeve që keni bërë prej disa kohësh. Nëse keni kohë që luftoni kundër një ortaku, apo një çështjeje të vjetër, më në fund do të merrni përgjigje pozitive, pikërisht në këtë moment të rëndësishëm të vitit. Do të keni mundësi të bëni plane të bukura për një shtëpi tjetër, për zyrën ku punoni, apo një zhvendosje me shtëpi. Të gjitha këto kërkojnë më tepër para. Nëse administroni, apo zotëroni një ndërmarrje të vogël duhet të bëni shumë kujdes me shpenzimet. Ju që keni një familje për të cilën duhet të kujdeseni, keni filluar t’i reduktoni ato që prej verës që shkoi. Që prej datës 13 Mërkuri do të vendoset në shenjën tuaj duke e përmirësuar dukshëm situatën astrologjike. E shtuna e datës 18, e hëna e datës 27 dhe e marta e datës 28 do të jenë për t’u mbajtur shënim. Gjasat duken shumë të mira për të kaluar prova, konkurse, apo provime.
Ndjesitë që do të provoni këtë pranverë do të jenë ndër më të bukurat. Ndërkohë, lidhjet me probleme nuk do të mund të mbijetojnë më gjatë. Edhe në këtë pikë, duke qenë se yjësia është ne favorin tuaj, do të mund të gjeni një zgjidhje, apo t’i thoni lamtumirë njëri-tjetrit pa e vuajtur shumë ndarjen. Beqarët do të dëshirojnë të përjetojnë histori të reja dashurie. E kemi shpjeguar edhe herë tjetër që të lindurit nën shenjën e Shigjetarit nuk duan më aventura këtë vit. Më në fund ka ardhur momenti që të ndërtoni një marrëdhënie të vërtetë. Vendosja e Saturnit dhe Uranit në një pozicion të favorshëm kanë pikërisht këtë efekt tek ju. Do të dëshironi të ndryshoni mënyrën tuaj të jetesës dhe do të përballeni me sfida të reja. Mos i nënvlerësoni njerëzit që do të takoni gjatë kësaj periudhe, sidomos nëse keni qëndruar vetëm që prej shumë muajsh. Që prej datës 20, deri më datë 30 do t’ju ofrohen mundësi të shkëlqyera për të njohur njerëz të rinj. Do të filloni të mendoni për martesë dhe dasmë nëse marrëdhënia juaj është konsoliduar tashmë.
Kjo është një periudhë e rëndësishme për ta marrë veten nga ana psiko-fizike. Duhet të përgatiteni edhe në aspektin e paraqitjes suaj të jashtme për dashurinë e re që do të trokasë në portën tuaj. Të shihemi në pasqyrë dhe të na pëlqejë vetja është diçka që na mbush me forcë dhe energji të reja. Nëse ushtroni sporte ky është një moment i rëndësishëm. Do të ndiheni plot vitalitet.
Bricjapi
Do të ndesheni vështirësi gjatë dy javëve të para të marsit, por mos u dekurajoni. Nuk është e thënë se kjo do t’ju pengojë për të arritur sukseset që dëshironi. Nëse nuk keni dikë që do t’ju përkrahë gjatë kësaj periudhe, do të ndiheni të mbingarkuar dhe të stresuar. Ju të lindurit nën shenjën e Bricjapit, jeni individualist dhe kërkoni t’i zgjidhni vetë problemet tuaja. Gjithsesi, bëni mirë të mbështeteni edhe te të tjerët, pasi jo çdo gjë arrihet vetëm. Vitin që shkoi hasët shumë vështirësi, por ju kujtojmë se shpresa vdes e fundit. Nëse kontrata juaj e punës skadon këtë verë keni dëgjuar zëra vërdallë se nuk mund ta shtyni më gjatë dhe kështu situata juaj ekonomike nuk duket edhe aq premtuese. Ju që keni filluar një punë të re prej pak kohësh, duhet të kënaqeni me pak për momentin. Nga ana tjetër, nëse zotëroni një aktivitet privat, po kërkoni për mbështetje, pasi ndiheni të zhgënjyer prej ortakëve aktual.
Do të përballeni me sfida të shumta në aspektin e dashurisë, por nëse lidhja juaj është vërtetë me baza do të mbijetojë. Ditët më të vështira do të jenë ato të datave 7, 8 dhe 28. Përpiquni t’i shmangni provokimeve që do t’ju vijnë nga jashtë. Do të shpenzoni më shumë nga sa keni mundësi dhe kjo mund të jetë një nga arsyet pse do të debatoni me partnerin. Nëse marrëdhënia juaj është konsumuar prej kohësh, kjo është një periudhë e përshtatshme për t’u ndarë, qoftë edhe në rrugë ligjore. Nga ana tjetër, do të dini të luftoni për lidhjen tuaj, nëse ja vlen barra qiranë. Gjithçka e keni në dorë. Ndjenjat kanë shumë rëndësi, por ajo çka vlen më tepër është arsyeja. Që prej datës 10, Marsi do të vendoset në shenjën tuaj dhe do t’ju bëjë më tepër komunikues. Bëni kujdes rreth datës 28, pasi rrezikoni të debatoni me njerëzit përreth.
Ky muaj do t’ju mbajë nën tension. Ka nga ata që e shajnë punën tuaj dhe do të jetë e vështirë t’i kapërceni disa vështirësi. Gjithçka do të zgjidhet shumë shpejt. Vetëm bëni kujdes, nga momentet më kritike. Ju këshillojmë të mos merrni shumë gjëra përsipër, por të qetësoheni një moment.
Ujori
Ky do të jetë një muaj mjaft interesant, sidomos për ju që keni vendosur të tjera objektiva në jetën tuaj. Duhet të keni baza të forta që të filloni të bëni diçka të re. Ju të lindurit nën shenjën e Ujorit mund të arrini shumë larg nëse jepni maksimumin tuaj. Marsi nuk do të jetë në favorin tuaj dhe kjo mund t’ju shkaktojë shqetësime sa i takon shëndetit. Ju që punoni në një kompani private dhe keni ambicie të tjera përveçse asaj që po bëni tani, do të merrni lajme pozitive brenda kësaj vere. Ditët me të mira do të jenë ato të datave 14, 23 dhe 24 mars, kur do të arrini rezultate të larta në mundësitë që ju janë ofruar krejt papritur. Nëse nënshenja juaj i përket Demit, Virgjëreshës, apo Bricjapit, do të keni mundësi të fitoni më shumë të ardhura gjatë kësaj periudhe, apo të shlyeni shpenzimet tuaja të mbartura. Mundësitë do të jenë të shkëlqyera edhe për të rinjtë. Kini kujdes nëse do të udhëtoni rreth datës 16. Do të ndiheni të lodhur nga mbingarkesa.
Dashuria ka trokitur në portën tuaj dhe ju e keni dhënë tashmë përgjigjen tuaj pozitive. Të lindurit nën shenjën e Ujorit nuk e kanë të thjeshtë të lidhen seriozisht pas dikujt, pasi edhe pse martesa, ashtu sikurse bashkëjetesa mund të duken tërheqëse, i privon ata nga të qenit tërësisht të lirë. Mund të ndodhë që të bëheni me fëmijë, edhe pse nuk e kishit planifikuar. Kjo mund t’i rrezikojë financat tuaja. Do të ndiheni më të fortë dhe të matur, gati për t’ia nisur nga e para. Kjo është një periudhë e përshtatshme edhe për të krijuar kontakte të reja që do t’ju ndihmojnë të korrni sukseset që dëshironi. Nëse keni ndër mend të hapni një aktivitet tuajin privat, bëjini mirë llogaritë, pasi gjysma e dytë e vitit nuk duket të jetë edhe aq aktive. Shqetësimet tuaja të ndryshme mund të ndikojnë në jetën tuaj në çift.
Shfrytëzojeni këtë periudhë për të rimarrë energjitë që ju nevojiten. Mesi i muajit do të jetë interesant. Bëni kujdes nga ndikimi i Marsit në shenjë, pasi nuk do të jetë në favorin tuaj. Nëse keni pasur probleme psikologjike do ta merrni veten gjatë kësaj periudhe. Duke qenë se ju të lindurit nën shenjën e Ujorit jeni gjatë gjithë kohës në lëvizje, keni probleme me përqendrimin. Kjo gjë shkakton probleme, kështu që bëni mirë t’i merrni gjërat shtruar.
Peshqit
Ky muaj do të jetë në lartësinë e duhur dhe në përputhje me pritshmëritë tuaja. Është momenti i duhur për të arritur qëllimet, që i keni vënë vetes. Do të përfitoni para prej një ujdie që do të arrini të mbyllni. Gjithashtu, do të krijoni kontakte të reja dhe do të mbyllni marrëveshje që i kishit lënë përgjysmë. Fatkeqësisht, këtë muaj nuk do të shpëtoni dot nga ankthet, pasi keni Saturnin në pozicion jo të favorshëm me shenjën tuaj. Gjithsesi, do të mund të kapërceni çdo problem dhe do të ndiheni të kënaqur, sikur edhe me gjysmë arritjet tuaja. Ky horoskop duket premtues edhe për më skeptikët. Do të arrini të angazhoheni dhe të jepni maksimumin tuaj. Studentët i këshillojmë të përqendrohen. Nëse do të përpiqeni sa duhet, do të korrni sukses në vjeshtë. Nuk e përjashtojmë faktin që mund të keni probleme ekonomike të mbartura edhe nga e shkuara. Kjo është një periudhë e përshtatshme edhe për të zgjidhur çështje ligjore. Situata duket më e favorshme se ajo e vitit që shkoi. Dalë-ngadalë do të kapërceni problemet që keni dhe mundësitë për të bërë përpara do të dyfishohen. Do t’ju duhet vetëm të bëni durim dhe të tregoheni largpamës.
Do të rilindni sa i takon fushës së ndjenjave. Historitë e dashurisë që kanë lindur në janar do të vijojnë mjaft mirë. Dielli ka hyrë në shenjën tuaj dhe kjo mund të ketë bërë që të keni njohur dikë të rëndësishëm që prej shkurtit. Nëse po jetoni paralelisht dy histori dashurie, është momenti që të bëni një zgjedhje. Ju që keni gjetur njeriun e zemrës, mos hezitoni që ta përjetoni plotësisht dashurinë me të. Pozicioni jo i favorshëm i Saturnit do të krijojë probleme në çift, sa i takon çështjeve financiare, të punës, apo të parave të shkuara dëm. Kohët e fundit ju është dashur që të përballoni ankthin dhe dyshimet, por kjo nuk duhet t’ju vërë më në vështirësi. Prej disa muajsh jeni duke u njohur me një person interesant dhe kjo ju jep shpresë për të ardhmen.
Që prej datës 18, Dielli, i cili do të vendoset në shenjën tuaj, do t’ju ndihmojë të rimëkëmbeni fizikisht. Gjithashtu, Mërkuri, do t’ju dhurojë energji dhe pozitivitet duke hyrë në shenjë që prej datës 25. Ditët e vetme ku duhet të tregoni kujdes janë ato rreth datës 12. Gjithsesi, ndonjë shqetësim i vogël mund t’ju bëjë që të stresoheni në mes të këtij muaji.
