Aktori më i ri i Hollivudit, Dev Patel, ka thyer zemrat e shumë femrave pasi ka zbuluar të dashurën australiane, Tilda Cobham-Hervey të hënën në Los Angeles.
26-vjeçari i nominuar në Oscar për rolin e tij në filmin “Lion”, dhe fitues në BAFTA, u shfaq i qeshur teksa shoqërohej me dy gratë më të rëndësishme në jetën e tij, Tilda, 22 vjeç, dhe nëna e tij Anita.
Dev Patel nuk e përmbante dot lumturinë teksa kishte hedhur krahët te e dashura dhe të nëna në të njëjtën kohë, gjatë një shëtitje.
Të dy aktorët, Dev dhe Tilda ishin fotografuar bashkë muajin e kaluar, kur ishin ende duke xhiruar një film dramë, i cili tregon historinë e vërtetë të viktimave dhe të mbijetuarve të sulmeve shkatërruese në Mumbai në vitin 2008.
