Jo të gjithë e kemi aftësinë që të kuptojmë nëse një person është pozitiv apo jo, që në takimin e parë. Por këtë mund ta bëjë për ty qeni yt!
Një studim shkencor botuar në revistën “Neuroscience and Biobehavioural Reviews” doli në përfundimin se, qentë janë të aftë të dallojnë nëse një person pranë tyre është i lig, e me këtë kuptojnë nëse ky i fundit nuk sillet mirë me njerëzit e tjerë.
Kafshët e përdorin më pas këtë informacion për t’ju përgjigjur “agresorit” në të njëjtën mënyrë.
Pas studimeve të njëpasnjëshme dhe shqyrtimit të skanerëve që iu bënë qenve, hulumtuesit vërtetuan se qentë gjykojnë njerëzit në bazë të sjelljeve të tyre duke u bazuar vetëm në intuitë. Kështu që kur të dilni me dikë për herë të parë, merrni dhe qenin me vete!
