Veç lindjes, dhënia e gjirit është një nga aktet më intime mes një nëne dhe fëmijës së saj.
Kështu që si ndihet një nënë nëse i kërkohet që t’i japë gji një foshnje absolutisht të panjohur për të?
Aktorja Amanda Holley doli në rrugët e Londrës për të zbuluar përgjigjen e kësaj pyetjeje personale, duke regjistruar përgjigjet e femrave.
Aktorja iu drejtua tetë nënave në tre zona të ndryshme pyetjen: “A do të mund t’i jepni gji nga ana ime?”.
E para: Gruaja e parë pasi u çudit nga pyetja i ofroi që të merrnin qumësht për foshnjat te shtëpia e saj.
E dyta: Nëna e radhës iu përgjigj pozitivisht, “Jam e lumtur të ndihmoj”.
E treta: Aktorja iu drejtua një nëne që po priste të kalonte rrugën, e cila u shpreh se do të ndihej në mënyrë jo komode nëse i jepte gji. Por ra dakord që t’i jepte qumësht të shtrydhur.
E katërta: Një grua që po priste autobusin nuk pranoi që t’i jepte gji, me arsyen se po nxitonte për një takim.
E pesta: Por një nënë pranoi që t’i jepte qumësht të ftohtë nga shtëpia, duke shtuar: “Do që të takohemi më vonë dhe ndoshta mund të të ndihmoj?”.
E gjashta: Kjo zonjë tha se nuk mund ta ndihmonte me këtë çështje.
E shtata: Dhe tjetra tha se nuk mund ta ndihmonte me qumështin, sepse “ishte me nxitim”.
E teta: Gruaja e fundit tha se do të “provonte” të mblidhte pak qumësht me anë të mjetit për shtrydhjen e gjirit.
Në total, pesë femra, 62% e të pyeturave, pranuan që ta ndihmonin aktoren. Pas eksperimentit kjo e fundit tha: “Ngrohtësia, bujaria dhe ndjeshmëria më lanë pa fjalë”.
Burimi: Daily Mail
