Chrissy Teigen është një veterane e revistës “Sports Illustrated Swimsuit”. Ajo u shfaq fillimisht në faqet e tij si “Fillestarja e Vitit” në 2010-n, më pas u shfaq çdo vit deri në 2014-n, kur doli në kover bashkë me Nina Agdal dhe Lily Aldridge.
Ajo mori disa kohë pushime duke u fokusuar në modeling dhe për t’u bërë nënë, por është rikthyer tashmë për numrin e 2017-s.
Në një vështrim para publikimit të numrit të ri të revistës, editorja MJ Day zbuloi se Chrissy dëshironte të vishte vetëm rroba banje komplet dhe pyeti nëse mund të mbulohej me peshqir.
Ajo nuk kishte bërë foto me bikini që pas lindjes së Luna-s, në prill të 2016-s. Por ajo u kthye sërish dhe përfundoi duke pozuar me bikinit klasik të “Sports Illustrated”, që i lënë shumë pak vend imagjinatës.
“Për një nënë, është e këndshme të mund të kthehesh në elementët e saj dhe është shumë e rëndësishme për mirëqenien time që të mund të kthehem sërish këtu dhe të bëj diçka për të cilën jam krenare”, shprehet Chrissy.
Burimi: Elle
