Ekspozitë
“Ngjan si”
1-15 shkurt 2017
Zeta Art Center / Gallery, realizon ekspozitën: “NGJAN SI” me artistët: Besmir Cani, Eros Dibra, Florian Haxhihyseni, Fatlum Doçi, Ilir Kaso, Matilda Odobashi, Nusret Gjokaj.
Vendndodhja:
Zeta Art Center
Abdyl Frashëri, Nr: 31, A4, Hekla Center
Ekspozitë
“Muzeu im”
3 e premte, 11:00 – 12:00
A keni ndonjë unazë që jua ka lënë pas gjyshi apo gjyshja? Ndonjë vazo të vjetër në shtëpi? Apo çdo objekt tjetër që posedoni dhe vjen nga e shkuara e largët?
Muzeu Historik Kombëtar ju fton çdo të premte, të merrni këto objekte dhe t’i prezantoni në ambientet e tij duke u bërë kështu pjesë të projektit “Muzeu im”. Kushdo që dëshiron të bëhet pjesë e këtij aktiviteti atraktiv është i ftuar, bashkë me objektin e tij për ta prezantuar atë. Objektet që do të sillni normalisht që do t’i merrni sërish.\
Teatër
Qyteti i Ngjyrave
5 (E diel) 10:30 – 6 (E hënë) 10:30
Teatri Kombëtar Eksperimental “Kujtim Spahivogli”
Rruga Murat Toptani Tirana
Qyteti i ngjyrave është një shfaqe ku të gjithë fëmijët përfshihen me personazhet…
Ishte një kohë kur të gjitha ngjyrat jetonin në harmoni. Të gjitha punonin, kërcenin dhe këndonin për të sjellë një festë të madhe ngjyrash, e cila organizohej gjithmonë në mënyrën më të bukur. Në momentin kur secila nga ngjyrat do t’iu uronte banorëve për një vit sa më të mirë, vjen, si pa u ndjerë, egoja e zezë. Ajo iu pëshpërit në vesh dhe kështu mendimi i saj i keq depërton në mendjen e tyre. Që nga ai moment ngjyrat ndahen dhe secila ndërton qytetin e vet. Një vajzë e vogël e quajtur Blum nuk është e përfshirë nga egoja e keqe. Por a do t’ia dalë të risjellë harmoninë në qytetin e ngjyrave?
Një shfaqje tejet argëtuese ku fëmijët do të magjepsen nga fantazia e ndërtimit të shfaqjes ku projeksioni, muzika ,kostumet dhe personazhet e krijuar plot ngjyra sjellin një magji të vërtetë në skenë.
Premiera në datat 28 dhe 29 Janar ora 10:30 për të vijuar çdo të shtunë në të njëjtën orë.
