Ai mund të cilësohet si një nga këngëtarët më romantikë shqiptare. Publikimi i fotove me partneren e tij, Enisa Allmuça dhe deklaratat e dashurisë që i bën publike në rrjetet sociale, tregojnë këtë anë të këngëtarit Kelly, që shumë pak e njihnin.
Në një publikim në profilin e tij në Facebook, Kelly shprehet se është i dashuruar “Kokë e këmbë” me Enisën. Këto deklarata u pasuan me një tjetër ndodhi të bukur në jetën e çiftit, fejesën e tyre.
Lajmin për këtë ngjarje të lumtur për jetën e tyre e ka bërë vetë publike këngëtari në një postim të kryer në rrjetet sociale, duke u shprehur se është “dita më e lumtur e jetës së tij duke patur në krah personin më të mrekullueshëm”.
Nuk na mbetet gjë tjetër veçse t’i urojmë çiftit jetë të lumtur!
