Soni Malaj dhe Klevi
Soni Malaj dhe Klevi, u shfaqën për herë të parë bashkë në inaugurimin e biznesit të tyre të përbashkët. Që prej asaj dite, ata shihen gjithmonë bashkë. Sonin dhe Klevin përveç dashurisë i lidh edhe një pasion i përbashkët për palestrën. Ish-anëtarja e Spirit Voice duket se këtë herë ka gjetur personin e duhur pasi është shprehur se ndihet e lumtur dhe se më në fund e ka shpirtin e qetë.
Çiljeta dhe Alban Hoxha
Çiljeta e ka pranuar se është në një lidhje me portierin e Partizanit, Alban Hoxha. Ajo shkonte gjithmonë në stadium sa herë Albani kishte ndeshje, por ngurronte ta pranonte publikisht se kishte nisur një romancë me futbollistin. Megjithatë ajo nuk mund të rrinte më gjatë pa e thënë me zë të lartë se dashuria e saj mbante emrin “Alban” dhe se që në fillim ishte dashuruar me sytë e tij.
Tuna dhe Patrisi
Pas ndarjes nga Cozman, Tuna nisi një romancë të re me vëllanë e Robert Berishës, instrumentistin Patris Berisha nga i cili pret edhe një fëmijë. Por pavarësisht vendimit të Tunës për të mos e bërë publike lidhjen e aq më tepër shtatzëninë, ishte Roerti ai i cili pohoi se vëllai ishte në lidhje me këngëtaren. Më pas, edhe kjo e fundit “u detyrua” ta pranonte publikisht se kishte të reja në jetën e saj sentimentale.
Luana Vjollca dhe Krenari
Moderatorja bukuroshe Luana Vjollca ka nisur një lidhje me Krenar Çoçajn i njohur si ish i dashuri i Dafina Zeqirit. Ndërkohë që mundoheshin gjithmonë t’i fshiheshin syrit kureshtar, çifti i ri është kapur mat në aeroport teksa po ktheheshin nga udhëtimi i tyre i radhës.
