Autori i të shtënave me armë zjarri në një incident ku ndodhej edhe presidenti amerikan Donald Trump, Cole Thomas Allen ka dëshmuar për autoritetet pas arrestimit të tij. Allen u tha autoriteteve pas arrestimit se ai po synonte zyrtarët e administratës Trump, sipas raportimeve të CBS News. CBS gjithashtu ka raportuar se gjatë incidentit u qëlluan të paktën pesë deri në tetë të shtëna me armë zjarri.
Të ftuarit u fshehën poshtë tavolinave, ndërsa vetëm pak më pas, Trump postoi në Truth Social se autori i të shtënave ishte “kapur”.
“Kam rekomanduar që ‘ta vazhdojmë shfaqjen’, por do të udhëhiqem plotësisht nga forcat e rendit. Pavarësisht këtij vendimi, mbrëmja do të jetë shumë ndryshe nga sa ishte planifikuar dhe thjesht do të na duhet ta bëjmë përsëri”, shkroi ai, ndërsa më vonë u tha se do të planifikohej sërish pas 30 ditësh.
Trump tha se një agjent i Shërbimit Sekret u qëllua nga një distancë shumë e afërt, por u shpëtua nga jeleku i tij antiplumb.
“Sapo fola me agjentin dhe ai është shumë mirë,” tha Trump. “Ai është në gjendje shumë të mirë shpirtërore, dhe ne i thamë që e duam dhe e respektojmë, dhe ai është një njeri shumë krenar.”
